Senza Cuntà

Senzo cuntà ch'à strappà fiori
Nasce basterdu à corri corri
Cû mazzuli di crepacori
Veranu anch'ellu si n'offende
Si veste in dolu di isse facende
I fiori ùn anu vita à spende

Senza cuntà chì da li fiori
Vanu à sbuccià tant'altri fiori

Senza cuntà dulori è pene
Tante ferite di catene
È fà rigalu di u s'avvene
Populu fieru ùn s'hè ma' resu
Si move interu à fiatu incesu
I fiori ùn volenu difesu

Senza cuntà chì da li fiori
Vanu à sbuccià tant'altri fiori

Senza cuntà tamenta foia
Di sin'à fà piantà el Boia
È, po truvallu in casa soia
Culumbu allora si stà zittu
Si ne và fora à core afflittu
I fiori ùn anu più dirittu

Senza cuntà chì da li fiori
Vanu à sbuccià tant'altri fiori

Senza cuntà ch'hè sola è una
À tempu celu sole è luna
Sta terra nostra ch'omu affuna
Storia ch'invita à tant'onore
A fà veranu in ogni core
I fiori ùn ponu mai more

Senza cuntà chì da li fiori
Vanu à sbuccià tant'altri fiori