SEIZURE SALAD

[المقطع]
بغني أحلى بعد البكي
بتدعيلي ابكي؟
بحبك اكتر لما بضعف
بتتمنيلي التعب؟
بشوفك أحسن لما بعمى
بتفقعلي عيني؟
بكتب أعلى لما بضيع
برج أكتر لما بعرج
بتكسرلي عكازي؟
وجودي كله بعيونك بحت مجازي
وظيفي فقط
كان الدولار بالنقد
صار الدولار بالبارتي
غيري انصدم
أنا عندي بقبو متحف
اسمه قناع وسقط
عمر الراس إذا بتعده سبعة متل السما
لهيك هيدا الألبوم قاب قوسين من انا
خمسة وعشرين يناير ألفين وحداش
ربينا بفيلم المصريين فبيومتها هرب مننا الفزع
نفس التاريخ بعد سبع سنين قال لي الحكيم بعد التخطيط معك صرع
طب هيدا مرض ولا أنا هيدا دوا ولا وجع؟
سؤال السنة الأولى ارتجع
هيدا ألبوم بوعزيزي فيني
وما تستخفي بثورتي اذا صرخت طفيني
تذكريني وما تسميني بدون وجه خليني
مشتعل مثل رسم فارسي للرسول
منقطع شاري لحظة وصل بصدق بعمر وصول
كباش ليلي بالصحرا بزخرف قصور
طب هيدا صرع ولا أنا ولا الدوا ولا الوجع؟
وهيدا الصوت بالراس ولا بالسمع
هيدا الدرب نزول فكري بينطلع؟
بتقوم اجري بتنكسر وبنفس اليوم ستاند المايك
والساوند كارد تنتحر والهارد ديسك يمحي
بنفجر؟
(لا ما تنفجر)
هيدي المحبة ليك وينها
اللي بيبقى بعد النووي
صرصور يعني الحب والدوا فيه
يجعل سره بأضعف خلقه
(سبحانه)
هيدي الصحرا ليك وينها
اللي حلت بالأذهان بعد داعش
بعد ال20 وال48 وال67 وال73
وال82 وال91 وال96 وال2003 وال2015
جنايز جنايز والميت رافع النعش
شو ظل فيني بعد الهزيمة
هيدي حقيقتي
شو شايفيني بعد الوظيفة
هيدي قصيدتي