Schicksale in der Nacht

[Strophe 1]
Er is schwoch und verwirrt und krigt se nimma ei
Um 8 homs erm verhoft seit 3 Stund sitzt er jetzt auf der Kiebarei
Sein Poss hod er verbrennt seitdem is a auf der Flucht
Wie long des was a sobs nimma hod a se ned duscht
Und fost nix gessn er hod nur sei Gwond und a foische Adressn
Der wos dort woa woit eam a ned hofn
Wan a nix Puscht er hod se druckt wie er hod angst kobt vorm Hefn
In seim Ort wor a Schusta nur davon woit er lem
Jetzt muas a zruck in a Zukunft ohne Tram
Die Verwanten hams verschleppt und de Freind niedagmad
De Kiebara wern scho haas weil a ned glei ois versteht
Se schirm erm kugal in de Toschn lochn und er grigt Schläg

[Refrain]
Es is ois gorned woa wos in ana Nocht passiert
Wärend jeda schlöft lauft ois weida ungeniert
Es is nedamoi soweit es passiert vor deiner Tür
Die Nocht verschleiert wos verschwint
Damit der Morgen triumpfiert

[Strophe 2]
Sie hod se samt de Kinda eigsperrt in der eigenen Wohnung
Sie was won zlong beim wirtn wor wird er zur Bedrohung
Sie worn so jung und hom beide no an job kobt
Er wor wieda trockn und hod a freid mit dem Gschropp kobt
Stott am brandneichn Auto homs des oide wieda Flott gmocht
Se ham zwoa kann Plotz kobt doch des woa wuascht
Se hom se guat vertrongn und de Urlaube worn kurtz
Er drischt geng de Tür mit der Faust dann mim Fuaß
Und tobt durch de Wohnung sie was er is wieda zua
Wenig dem Stress in da Hockn is a dann imma länger weg blim
Er woa angerschiert und hot se amio zfüh mim Chef gstridn
Am nächsten Tog woas so ruhig eam woa Schlecht er is im Bett blim
Irgendwos woa letzte Nocht er hod a schlechts Gwissn
Im Nebenzimmer lingt sei Frau und die Kinder am Bodn im Bod
"Wieder schreckliches Familiendrama in Wien"
Woa die Schlogzoin in olle Zeitungen am nächsten Tog

[Refrain]
Es is gorned woa wos in ana Nocht ois passiert
Wärend jeda schlöft lauft ois weida ungeniert
Es is nedamoi soweit es pasiert vor deiner Tür
Die Nocht verschleiert wos verschwint
Damit der Morgen triumpfiert

[Strophe 3]
Sie friert se den Orsch oh am Gurtl am Strich
Sie hod erst den 3 Freier des reicht no ned für an Stich
Monchmoi hots no Angst das von früher no wen trift
Doch die meisten gehen vorbei und schaun ihr eh nedamoi ins Gsicht
Sie hod Glick es bleibt ana steh und beugt se üban Sitz
Sie wern se schnö einig er is weg wira Blitz
Die Scheibn san verdunkelt und die Sitz aus echten Leda
Sie gspird nedamoi den Woidweg so is de Kistn gfedad
Er wü wissen wos von Gruppensex hoit und obs ihr taugt
Sie mand trocken pro Person legst dann no 300 drauf
Auf dem Parkplatz wo er stehbleibt tauchen 10 Typen auf
Sie zahn ause ausn Auto bindens an an Baum
Er sagt wanst as überlebst gibt da da Herrgott no a Chance

[Refrain]
Es is gorned woa wos in ana Nocht ois passiert
Wärend jeda schlöft lauft ois weida ungeniert
Es is nedamoi soweit es pasiert vor deiner Tür
Die Nocht verschleiert wos verschwint
Damit der Morgen triumpfiert

[Strophe 4]
Sie lebt alla in ihrer Wohnung, se woit ned ins Heim
Die andern Rentner woan ihr lästig mit ihre Strickerein
Und die ewig gleichen Gschichtn
Ihr ganzes Labn wars für die ande do davon woits nix mer wissen
Die Nochborn im Haus san ihr inzwischn olle frend
Mit der ahn hod se se gstridn und de andern san längst
Wegzogn oda gstorm
Sie lebt nur in der Vergangenheit seit über 20 Johrn
Des ois wird ihr bewust wies am Küchenboden liegt
Sie hot se irgendwo wos brochen und de Brün hots verlegt
Sie kann se nimma rian und zum schrein is scho zwoch
Es kümmt kana mer vorbei und es is scho der 3 Tog