Scheissejal

Jläuvs du de Sonn deit interessiere
Ov de Welt sich um se drieht
Und dä Rään dä jitt ene Driss dorop
Dat he en Stadt am Rande römsteiht

Wie ding Aure jlänze wenn do danz
Wie do rüchs un wie do laachs
Un dat Jrübche dat do dann häs
Dodran han ich lang nimieh jedaacht

Un mer sin Jeschichte
Dat Märche es vorbei

Do bes mir scheissejal
Scheissejal
Jede Morje
Jede Ovend
Jede Naach
Bes do mir scheissejal
Scheissejal
Nur verjess ich dat manchmol

Dat do jetz hunderteinunzwanzig Daach fott bes
Hätt ich nie jenau nohjezällt
Ich vermiss dich üvverhaup nit mieh
Und dä Typ dä jetz ding Hand hält
Es bestimmt ne nette Kääl
Ich wünsch üch all dat Jlück
Op he d'r Welt
Mer jeit et jood
Ich bin okay
Mir zwei sin Jeschichte
Ich fingk d'r Weech allein noh Huus

Do bes mir scheissejal
Scheissejal
Jede Morje
Jede Ovend
Jede Naach
Bes do mir scheissejal
Scheissejal
Nur verjess ich dat manchmol

Jenooch jehürt, jenooch jehasst
Jenooch jehofft und jenooch verpasst
Kumm lass mal et joot sin

Do bes mir scheissejal
Scheissejal
Jede Morje
Jede Ovend
Jede Naach
Bes do mir scheissejal
Scheissejal
Nur verjess ich dat manchmol
Scheissejal
Wie Du dräums
Scheissejal
Und wie Du laachs (Scheissejal)
Nur verjess ich dat manchmol
Nur verjess ich dat manchmol
Villeich vermiss ich dich manchmol