Saye3 Balbes Men Zara (Thabet Thabet W Esta3del) - صايع بلبس من زارا (ثابت ثابت واستعدل)

[المقدمة: هادي الصغير ومصطفى الجن]
حصريًا على موقع مهرجانات دوت كوم
هتشوفني تقول هادي وفي حالي وما ليش في النكش
بس أنا لأ مش عادي، إصحالي، ما بكرتلكش
صايع، بلبس من زارا
شيك، بس طالع من حارة
إوعى يغرك لبسي الواسع
والسلسلة والنضارة
دولسي، دولسي برودكشن

[المقطع الأول: هادي الصغير]
بيني وبينكو الشارع، مش سامع ولا شايف حد
اللي قصادي هيجدّع هيودع، بتكلم جد
قبل ما تيجوا سألتوا؟ يا إبني إنتو جيتوا شارع سد
أبطال على مبدأكو أجزائكو خليها تتشد

[اللازمة: مصطفى الجن]
ثابت، ثابت، ثابت، ثابت
ثابت، ثابت وإستعدل
جالك القضا المستعجل
كده كده جايلك، جِبته لنفسك
إنشف، عايزك تسترجل
إجمد بقى، ده الجَي أجمد
هنكش كله ومش ههمد
واكل قوتي يا ناوي على موتي
ومهما تسد هكون أشدد

[المقطع الثاني: هادي الصغير]
هتشوفني تقول هادي وفي حالي وما ليش في النكش
بس أنا لأ مش عادي، إصحالي، ما بكرتلكش
شغل الجس اللي إنتَ يا أونطة بتتعامل بيه
إعملوا على ناس تانية لا في ثانية إسمك همحيه

[اللازمة: مصطفى الجن]
صايع، بلبس من زارا
شيك، بس طالع من حارة
إوعى يغرك لبسي الواسع
والسلسلة والنضارة
شارع العشرين خط أحمر
تنزل بقى سوق علي أخضر
إحنا بلدنا فيصل بتجيب أبطال
قطع يابا المحضر
محمود خليل ده كفاية إسمه
ده كفيل يرعب يابا خصمه
قصاد البابا يا عيال كدابة
إحذروا تكرفوا أو تترسموا

[المقطع الثالث: هادي الصغير]
أنا ما باجيش في حديدة ‫ولا Media ولا بحكي وأقول
أنا لو ليا الهوى من جثة بصرف على طول
نفسك فيا تعالى يا زمالة نلعب بأصول
ولا يشغلني رسالة ولا حالة، وريني مفعول

[اللازمة: مصطفى الجن]
ده واخد لبني وده فراولة
كلها جاية تقول جولة
ع التيك توك بشوف في سلاحف ‫Ninja
وأبطال وعتاولة
‫كلها في اللايفات Hero
حتى الهلافيت بيطيروا
كله مخطرلي الموضوع
من تليفونه اللي على سريره

[المقطع الرابع: هادي الصغير]
عذرًا، من حقنا إسمنا يعمل حرقان
ما إحنا في كارنا نجحنا، ريحنا في فلان وفلان
القراميط في مجالنا شاهدالنا إن إحنا حيتان
إحنا بناخد اللقطة بمجرد ما نخش مكان

[اللازمة: مصطفى الجن]
كلها خايبة وبتخرف
مش لاقي صاحب بيشرف
ولا يلزمني قديم وجديد
ولا على مخلوق عايز أتعرف
اللي بايعني عشان واحدة
واللي واقفلي على الواحدة
واللي راميها واللي مقضيها
كلها ملياسي ومتجاحدة

[الخاتمة: مصطفى الجن]
الناس بجدعنة عارفينه
واجهتنا، ربنا يديمه
الشيخ خليل من يومه تقيل
ويشهدله برضك أبو قديمه
محمود خليل خلف ما جابشي
على مبدأه ياض وما خابشي
سداد، يصد مع أي حد
بيروح بقلب، ما بيخافشي
مازن خليل حملة بطوله
على سكة صعب يالا تجوله
ما تغمزوش نفسكو يا شمال
وما تفخدوش ع اللي بقوله
المرشدين يابا رازونا
الله يسامحهم، حبسونا
رحلة وهتحلى يا رامي يا خليل
في العقل والقلب يا أخونا
اللي مشرفنا، السيطرة
المسا مبعوتلك يا إدارة
يا رب هون على الحنيّن
رجع محمود شغت أبو سارة
سندال، حاطط على ناس ياما
أتخن تخين سابله علامة
الوحش عبده ما حدش قده
مين يجي يوم مع برشامة؟
هتعادي مين ياض يا أونطة؟
إحلم بعيد، نام وإتغطى
رجلك تجيبك إنتَ ونصيبك
ما تنتدبش كريم شطة
دولة فيصل يابا تشهدله
من غير ما حد يفخدله
وحش العشرين، فوقوا يا كارفين
قدام محمود توتا إتعدلوا