Sayad - صياد

[المقدمة]
إحمم، إحمم
اليومين دول بقيت بفكر كتير (كله بحسابه دلوقتي)، كتير، إحم
بس آه‫—
[؟]

[المقطع الأول]
وأنا إتناشر سنة أبويا قالّي "لما تكبر نفسك تبقى إيه؟" (إيه)
قولتله "أطير، أروح القمر، أشفي جروح البشر، أكبر، أبقى مليونير"، آه (ووه)
وكلام في حب الوطن
قالّي "بطل هبل، طول عمرنا جنب الحيط، يا إبني، البطل في الزمن دوة أخرته إيه؟" (إيه)
قولتله "أنا غير، أنا غول في الضغط، بقول وبفخر أنا أفوت في الصخر، أشقه نصين‫"
وبقول شطبت، ‫Done، خلصت
يادوب ‫Warm up وأكلكم في الصيف
وإن كان بيَدي أغير الدنيا يا حج ده أنا أجيبلك قصر مش بيت
بس ده أنا كل ما أملك إيدين
قولّي إزاي أغير بإيدين؟ (قولّي إزاي، إزاي، إزاي؟)
حبيبي، الشارع مش أمان (أوه)
المكان اللي أنا وإنت منه عالم تاني غير الشارع في الإعلان (أفلام)
لا حب دايم وَلا شريك فِضل
ولما آمنت صاحبي، خان (أوه)
يا أبويا، صاحبك كان جبان
إنما الطيب راجل مش جبان (صياد) وأنا صحابي جدعان (إ-إخواتي)
في الشدة ع الجد، ستة مش كترة
شلة ع القد، هكبر وبكرة أحب وأتحب، أ-أوه (أ-أوكيه)
أكبر بكرة وأبني اللي إتهَد، أهِد اللي هَد
أهاب ربي وإنتَ، ما أهابش من حد

[اللازمة]
وخلصنا، كان اللي كان
ما الزمان غير الزمان
واللي آذاك، الزمن آذاه
وإرمي السلام للي باع
أوه (صياد)، أوه (صياد)، أوه (صياد)، أوه
(وكله بحسابه دلوقتي)، أوه (صياد)

[المقطع الثاني]
سنة في سنة في سنة في سنة، عدوا وبدأت أشك أنا إيه؟ (إيه)
أب في بلد، أم في بلد والولد في النص بين البلدين (أوهو)
عيلتي يتفرقوا في الخريطة وألمهم، شطرنج، دي مش ‫Game (إيه)
بس كل مرّة بخسر نفسي فيها لما أحاول أرضي الطرفين
تاني، تاني، الحب سمعته أما ناداني (هيه)
ويطلع الحب حاجة كل اللي البعد عن اللي أنا سمعته في الأغاني
وآه، ياني، ياني، أنا المَجني وأنا الجاني
كنت محتاج إني أصلًا أحبني لأجل أقدر أحب حد تاني
حتى الصحاب الجدعان (إ-إخواتي)، يتعدوا ع الكَف
شُفت اللي حالته كَرب والضرب سَحلة، أما لحسله عقله وإتسَف، أوه
(شُفت إيه وإيه وإيه)
شُفت إخوات وغشّت ونافقت
قالت ولفّت، صفت الدايرة مش هنتغفل (حبيبي، الشارع مش أمان)

[جسر]
وأنا همي فيّا ما أنكرش
بس الطفل فيّا ما كبرش
طول ما في نص السكة ما وصلش
(مسافة السكة، جاي جَري)
مش محتاج غير إيدين وإصرار
فهرمي وأفضل أصطاد
يابا أنا في قلبي صبر، صياد

[اللازمة]
وخلصنا، كان اللي كان
ما الزمان غير الزمان
واللي آذاك، الزمن آذاه
وإرمي السلام للي باع
أوه (صياد)، أوه (صياد)، أوه (صياد)، أوه
(وكله بحسابه دلوقتي)، أوه (صياد)