Sarhan - سرحان

["كلمات اليام "سرحان]

[المقطع]
نايم على الأرض، متغطي بالموكيت
مع كل ذكرى بحرق بكيت، مع كل فكرة بحرق البيت
بمكان قديم مبتذل بالفرنسية cliché
بطل يحرك في شي زي روبي ع بسكليت
خطط بحياته لصار شكلها متل دفترك
حب الفضاء لأنه بكره يتبرمج زي الدرك
صانع أفلام تركها ووراح عالراب هالأهبل
يمكن لأنه الوحيد الي قادر يعيد المشهد
خلي البسمة بالخزانة وقت ما احتاجها حلبسها
غني للدنيا مع انها شر**طة ما بترقصلك
بنضل نكابر ونعافر مع كل فرصة بترفصنا
ولو حبيبي عسل حبلع العلبة بعدما ألحسها
اطلع من جسمك، اطلع من الدايرة الي فبالك
بلاش تصير زي هالأغنية تضل تكرر حالك
الاحتلال بعقلك قبل البلد حرّر حالك
طير بخيالك، ما توتر حالك وأعلن ترحالك
احيانا بحس اني بدي أمحي كل شي
وابدأ من جديد، أغسل عقلي بأسيد
عنجد بدي اسألك، لو في جواب مقنع احكيه
بتحس حالك لحالك ولا بتقدر تعد كم واحد فيك
هالولد زهق البروزاك والسيروكساد
تسألش شو هدول، أدوية اكتئاب حاد
بجمعش من كتر الضغط عالاعصاب
كل ما يفكر ينتحر بنط منه ألف شباك
بنت بزاوية الغرفة شعرها مجعد بتزكر
موبايلات من بصمة العين، بنعرف بعض أصلاً
كان النقاش يومها عبارة عن نظرات فقط
بس أنا مقتنع انه قدرنا ندخل جوا روس بعض
حكتلها شفت نص بلاد العالم غير فلسطين
يمكن احنا مش برمضان وهي قمر، دين
والأبراج بدهاش مصاري، جد بتحكي ولك؟!
سألتها الوليد من طلال ولّا ماجي فرح
نعسانة يا برو، بلا هبل بجيبلك مزيل أرق
وإذا الإكتئاب زاد، بالخزانة عندي مبيد فشل
مش الدكتور حكالك كفاية كتير تفكير خلص
ووصفلك كم دوا ونصحك تشوفي قليل بشر
وووو، وبتزكر قلك سيبك من السياسة كمان
في الي عذب السفاح وفي الي عزا بالسفاح
وهاي مش اختلاف لهجات وبالعادة ملناش صوت
لأنه للأسف حبسوا صوتنا بصناديق انتخابات
آسف، مش حقدر أطول، مرة ثانية بنلتقي
يمكن لساني فاضي بس جوا عقلي في حكي
وفلسطين أولمبياد، الوثب العالي
لأنه بعد كل حاجز في شهيد بيرتقي