Samir 2amis - سمير قميص

[المقطع الأول]
صحاب مكان، فمابندفعش لما بنكسر
دخلت الأستوديو ورجعت على الميكسر
السلك زي ديل القطة، طوحته هليكوبتر
قالولي نجيبلك غيره، بالكتير تستلم بكرة
جيت تاني يوم، سلك جديد قطعته برضه
مهندس صوت قالي أعيد التيك، قمت طارده
دخل عليا صاحب الأستوديو، قمت ضاربه
كل دا كذب في كذب، أتمنى تكونوا إتأثرتوا
بيب بيري، مسج زي دي تجيلي
تطلع لو جيبنا المربع؟، أرد بجيب كيري
سبونسور بيرد يقولي آه دا إنت بتنصب
أقوله شكلك مش من هنا، آه دا إنت القنصل
يا تعدي من الباب يا تخيش في الركن
يا تروّح وتنام، يا تكيش وتسك
يا لسه ما إتخدعتش، يا قليل وتشك
يا لسه سايب الشغل قاعد متنيل بتلك
تغسل المحيط بموجة، تشيل السفن تشطفه
سيبك من الكورة، هرميلك بوفون في الأفق تلقفه
إمسك نفسك، ليب سينك دا إسمك
بورتريهات للممثلات، على الوشوش بنرسم بسمة
حرفياً الغباء مش معقول
الكلام في السنان والإهداء دا لمعجون
إسمي نار على العلم، إنتوا كأعداء ولعتوه
لما البيت يخش كلياً، آداب ولا علوم؟
نبرة صوت لو تقول آلو تتعرف
طموحك تبقى كدا، طموحي أشتري مول العرب
على المدى الأطول بغلب
على المغرب عيني تزغلل، أعند وأعوم لزغرب
جوز شباشب في كيس بالينسياجا
أنتج فيديو كليب ولا أشتري إتنين زيادة؟
هشتري إتنين زيادة، أصله بيتبهدل
في الماضي بهمل وفي الرمادي بهبل

[عينة 1]
"يعني بالعكس، دي طريقة حلوة بتبقى ممتعة وإنت بتسجل لحاجة شخصية كرتونية بصوت مختلف عن صوتك أو بصوتك بس يعني واخد كاركتر"

[المقطع الثاني]
بحتفل في الأجازة بإستعراض
هل تعلم أن يوجد سوق لهذا الإستعباط
في الضهر يقلب زي الشهر وعلى الفخاد مسا
دا داء نسا، دي أخلاق بسس
عشان ما أبقاش بكاش، بلاش في سعرك تتزنق
هيجيلك من التسلق كالو، كل ما تعلى تتخنق
فإوعى وإوعى الناس دي لما تيجي تبيعلك تتسلق
يتاكل مخك، المعدة تتدلق واللعبة تتسرق
إشمعنا مش بلن، عشان أنا أبرد من كندا
فارد رجليا ومستفرد بالكنبة
بخروني طفرة في الزمن دا
بخرتهم أنا زي قطرة في الكنكة
أنا كناظر المخمضة، الورقة باظت من الشخبطة
لو البازل بتلخبطك، هقوم فاصل بالمخرطة
ما إكتسبش شيء، فقد فقط ضرب رقم
بالمطرقة إرتقى لمستوي الفندقة والهوا في اللقب
مازال بزاوية واحدة زي حرف الدال
سحرت جبال، بيعت فلوس في حارة المال
حرب جدال مين أجمد زميل نجمة بميمز أجدد
تأثير عكسي، ساعات بحس البيت راكبك
لما بقرر أبقى غتت بتتوتر
أصوات أنفاس وقت الإديت بتتوطى
هبد في المطلق، تتكب نظبطها
تتفك نربطها في الفك بدون شك من بكرة
إتأكد من البوصلة
فين بالظبط فين الظرف، منين الصرف
بعد الدوس على الديل والطرف، ليه مضطر؟ واضحة زي الخير والشر
مش جر A زل لسانه بكيف الحرب إيه؟، حرف الـ
دا مش راب، الصيف مش حر، زود نقطة غين وإتغر
إقرفنا، عرفنا، إخلع جفنك ني ني
الموضوع دا إن إنت برضه ينفع تفنى
الأيام دي مش هترجع، إسأل إرجع قيسها
وبصراحة مش فارقلي تولع تزهق
أنا مزقطط، بصباع بدوس أنا بطأطأ
على طموحك إني أطلعك في لقطة
نجاحي في الغالب ناقطك
وزع ملاحق على كل الشباب الساقطة

[عينة 2]
"مش أنت قولتلي أقولك كل سنة وإنت طيب في المايك
فأنا بأقولهالك في المايك دلوقتي
لو كنت قولتهالي في الكاميرا كنت عملتهالك كدا
كل سنة وأنت طيب
عيد سعيد وعيد ميلاد سعيد وراس سنة سعيدة وراس سنة هجرية سعيدة وعيد عمال سعيد وڤالنتاين سعيد عشان يبقى عندك كل السعادة"