Salem - سالم
Mosalem & Bashmohannad - باش مهند
Salem - سالم Lyrics
[المقطع الوحيد]
نفس في الصدر؟ لسه سليم
دقة القلب مش زي القديمة
لسه بنحس؟ أيوة مفيدة
نقتل الـ Sense دي تبقى جريمة
حاجة في الوش؟ ندبة قديمة وندبة جديدة
سهل نخفيها، مش هنخفيها
نحتفظ بيها مش عايز أعيش لحظة بعديها ناسيها
نحتفل بيها، نكسر مية كاس نعمل حفلة مليئة
ناس في ڤاترينة وناس في مدينة والناس التانيين يتسائلوا هل باقي الناس دي عارفين لو إحنا عايشين
هل إحنا عايشين؟ سؤالنا غريب
هل روحي مسكينة؟ هل عارف ألاقيها؟
متلغبط، الدوشة مش سايبة نقاء ذهن هدي الجو دقيقة
بس إبلع ريقك
خد بق مية، سؤالك يحير
الدنيا جريئة مش جاهز أنا ليها
كنت صغير ولازم أتغير
قُلت "أنا ليها" قالتلي "حقيقة"
إنتَ مُخير فـ شُفت الـ Virus وإدتها وريدك
غلطة بريئة كان لازم تعملها عشان تيجي في يوم هنا وتكتب أغنيتك
عدى دقيقة، كام لحظة فاتوا؟
سنين من حياته بيبني سفينة، فاض بنى ميناء
تهاب فيضان ما بيجيش الطوفان غير وإحنا نايمين
ده من يوميها
في وسط الصحراء السما ما تمطرش طب إزاي أغرق فيها
بنيت السفينة ومليتها كلها بأعز ما أملك
إقفلي الكابينة، إن شاء الله أموت فيها
مش هغرق مش هغرق، صرخت أنا لمين
صدى صوت في الجزيرة أنا الوحيد فيها
كل إللي حبوك دول عايمين ما سابوش وبيقولوا سيب إيدك
العوم ده هيفيدك ما دول ما شافوش والسنين دي ناموها
عجزت أنا فيها، تعبت أنا فيها
مش هغرق مش هغرق، وعود ألبيها
في وسط المسيرة وعدت أنا نفسي ومش هجليها
ما صدقت خدت نفسين أكسچين
باصي الماسك يمينك، أنبوبة دي لينا
قصتي حزينة سنين أكتب فيها
نعيت التراب و كل نقطة غبار أتجمع فوقيها
ما حدش شاريها
كاتبها أنا لمين لو ذاتية السيرة
الإجابة كانت فيها، إقلبلي الجزيرة
وفي كل زخنوق جوة قلب المدينة
وفي كل مخلوق كان في يوم محاط بينا
كسر الڤاترينة إستجوب الجيرة في أي كان جيهة
وكل إنسان إسأل كل إنسان عايز من وقتك دقيقة
أسئلة بسيطة
كلام ده كاتبه أنا لمين؟
مجنون ولا إنتو عاقلين؟
فات سنين في دقيقتين
صمت آخره ده لفين؟ صمت يهد بلدين
صمت قبل عاصفة، صمت سمعت فيه إتنين
صاحب حب مهما هب ودب طرشة ليه كانت سد
برضه وقف صرخ إسمي
ليه بتحب؟
ليه ما أمشيش من بدري؟ هل أستاهل ده؟
إسمي بصوته عذب
هو أنا ليه مش بغرق، إيه ده ليه كان سهل؟
هو أنا ليه بتحب؟
حاسس كنت ببرد هو أنا ليه بتدفى؟
الصوت التاني يصرخ، طفل ليه بيصرخ
إبن مين ده بجد؟
طلع من جوايا، كنت ليه مش سامعه؟
عروقه بارزة برة بقاله سنين بيصيح
شكله زيّ شوية بس لسه صغير
قولّي ليه بتعيط، إيه الصوت ده إتهد؟
بقالي سنين مش شايلك حسستني بذنب
بجد Sorry، لو كنت أنا كان زوري إنتهى
آسف بقى لفيته في صوف وشربته لبن لحد ما إرتوى
سنين ما نمش نام في ثانية لحظة لما في حضني إترمى
لأول مرة بصيت للسما عرفت إجابة كل الأسئلة
طلعت أنا، طلعت أنا
Salem - سالم Q&A
Who wrote Salem - سالم's ?
Salem - سالم was written by Mosalem.
Who produced Salem - سالم's ?
Salem - سالم was produced by Bashmohannad - باش مهند.
When did Mosalem release Salem - سالم?
Mosalem released Salem - سالم on Mon Jan 29 2024.