Sahbet Omri - صاحبة عمري

[المقطع الأول]
عندي صاحبة في الزمن ده صعب تلقى منها
دي اللي واقفة ساندة جنبي وع السر تآمنها
لو زعلت حاسة بيا حتى قبل ما أحكي
وفي ثواني تيجي ليا تجيب معاها ضحكي

[اللازمة]
صاحبة عمري وجنبي تملي
صافي القلب ومش بتشيلّي
أطلبها في ثانية بتنزلي
وبتعملّي اللي يفرحني
المشكلة قبل ما توصلّي
بتخلصها وتيجي تقولي
حتى أما أغلط بتطبلي
وما بيني وبينها بتنصحني

[بعد اللازمة]
دي عايشة طول حياتي
تدوس ع اللي مضايقني
وبدعي طول حياتي
يا رب ما تفارقني

[المقطع الثاني]
عندي صاحبة ماسكة فيا مهما بِعدوا عني
كله يمشي بس هي في قلبي وحتة مني
لو في وسط ناس بلاقي المكان ناقصها
عُمر حد في الغلاوة عندي ما ينافسها

[اللازمة]
كام حدوتة وكام سفرية
وخروجة ولف بعربية
نزعل نفرح في أغنية
بالأيام دي بتفكرنا
صاحبة عمري وأمي وبنتي
بتعليني وحاسة بقيمتي
وهتفضل روحي وأنتيمتي
ولا في أيام هتغيرنا

[بعد اللازمة]
دي عايشة طول حياتي
تدوس ع اللي مضايقني
وبدعي طول حياتي
يا رب ما تفارقني
دي عايشة طول حياتي
تدوس ع اللي مضايقني
وبدعي طول حياتي
يا رب ما تفارقني