Reginella

[Testo di "Reginella"]

[Strofa 1]
Te sì fatta 'na vesta scullata
'Nu cappiello cu 'e nastre e cu 'e rrose
Stive 'mmiez'a tre o quatto sciantose
E parlave francese. È accussì?
Fuje ll'autriere ca t'aggio 'ncuntrata
Fuje ll'autriere a Tuleto, 'gnorsì

[Ritornello 1]
T'aggio vuluto bbene a tte!
Tu mm'hê vuluto bbene a mme!
Mo' nun ce amammo cchiù
Ma ê vvote tu
Distrattamente, parle 'e me!

[Strofa 2]
Reginè, quanno stive cu mmico
Nun magnave ca pane e ccerase
Nujе campavamo 'e vase, e chе vase!
Tu cantave e chiagnive pe' mme
E 'o cardillo cantava cu ttico:
"Reginella 'o vò bbene a 'stu rre!"

[Ritornello 2]
T'aggio vuluto bbene a tte!
Tu mm'hê vuluto bbene a mme!
Mo' nun ce amammo cchiù
Ma ê vvote tu
Distrattamente, pienze a me!

[Strofa 3]
Oje cardillo, a chi aspiette stasera?
Nun 'o vvide? Aggio aperta 'a cajola
Reginella è vulata, e tu, vola!
Vola e canta, nun chiagnere ccà!
T'hê 'a truvà 'na padrona sincera
Ca è cchiù degna 'e sentirte 'e cantà

[Ritornello 3]
T'aggio vuluto bbene a tte!
Tu mm'hê vuluto bbene a mme!
Mo' nun ce amammo cchiù
Ma ê vvote tu
Distrattamente, chiamme a me!