Reddi Mandilik Reddi - ردّي منديلك ردّي

[المقطع الأول]
لمّا لمحته طلّ صرتْ مْلَبَّكِة
وعرفتْ قصده وقلتْ بَدّه يشتكي
لمّا لمحته طلّ صرتْ مْلَبَّكِة
وعرفتْ قصده وقلتْ بَدّه يشتكي
فتَّشتْ عَ كلمة تَإفتحله حديث
وقفتْ ووقف وتْنَينّا نسينا الحكي
ومن يومها عم نلتقي ونقعُد سَوى من يومها
ومن يومها عم نلتقي ونقعُد سَوى
مدري الصدف بتسوقْنا، مدري الهَوى
حَلّو بقى يفهم رح يهبّ الهَوى
ضيعان ما بيخبِّروا إنّك ذَكي

[اللازمة]
ردّي مَنديلِك ردّي، بيضا والشمس حدّة
بُكرة بيِجي مَحبوبك وبيلاقيكِ مسْوَدِّة
ردّي مَنديلِك ردّي، بيضا والشمس حدّة
بُكرة بيِجي مَحبوبك وبيلاقيكِ مسْوَدِّة
ردّي ردّي الشمسية، خلّيها ترفّ عْلَيِّي
ردّي ردّي الشمسية، خلّيها ترفّ عْلَيِّي
لمّا عيونك بتفَيِّي وْراق الزنبق بتنَدِّي
لمّا عيونك بتفَيِّي وْراق الزنبق بتنَدِّي
ردّي مَنديلِك ردّي، ردّي
بيضا والشمس حدّة، ردي
بُكرة بيِجي مَحبوبك وبيلاقيكِ مسْوَدِّة

[المقطع الثاني]
في لِنا يا حُبّ خيمِة عَ الجَبَلْ
ناطِرَة تَنْزورها بْليلة غَزَلْ
في لِنا يا حُبّ خيمِة عَ الجَبَلْ
ناطِرَة تَنْزورها بْليلة غَزَلْ
راكِعَة الغيمات عند بْوَابِها
وتارِكِة النجمات عَ سطحا قُبَلْ
تارِكِة النجمات عَ سطحا قُبَلْ
في لِنا يا حُبّ خيمِة في لِنا
ومزهرية وورد أبيض عندِنا
ووَحدِنا بْهالجرد عَ حدود السما
نحنا وإنت وباقة غْناني هنا

[اللازمة]
يا حلوة اللي بَيتِك فَوق
صوبك عم ياخدني الشوق
يا حلوة اللي بَيتِك فَوق
صوبك عم ياخدني الشوق
عم حاكيكِ بْلطف وزَوق
بحياتِك لا تحتَدِّي
عم حاكيكِ بْلطف وزَوق
بحياتِك لا تحتَدِّي
ردّي مَنديلِك ردّي، بيضا والشمس حدّة
بُكرة بيِجي مَحبوبك وبيلاقيكِ مسْوَدِّة
ردّي مَنديلِك ردّي، بيضا والشمس حدّة
بُكرة بيِجي مَحبوبك وبيلاقيكِ مسْوَدِّة