Recordare Domine

Recordare Domine quid acciderit nobis
Intuere et respice opprobrium nostrum
Haereditas nostra versa est ad alienos
Domus nostrae ad extraneos
Pupilli facti sumus absque patre
Matres nostrae quasi viduae
Aquam nostram pecunia bibimus
Ligna nostra pretio comparavimus

Patres nostri peccaverunt et non sunt
Et nos iniquitates eorum portavimus
Servi dominati sunt nostri
Non fuit qui redimeret de manu eorum
Converte nos Domine ad te et convertemur
Innova dies nostros sicut in principio
Et ne in aeternum obliviscaris nos
Domine Deus noster