Raked راكض
Al Darwish - الدرويش
Download "Raked راكض"
Raked راكض by Al Darwish - الدرويش
Release Date
Performed by
Al Darwish - الدرويشProduced by
Al Darwish - الدرويشWrited by
Al Darwish - الدرويشRaked راكض Lyrics
مخّي فتح
طلع سلّم
حاولو أفكاري يتعربشو بس تمّي شلّن
من مخي طلع ملك شالح و فلّاح لابس
سمكة قرش عم تضحك لأنو الفيل عابس
طلعت أم
طلعت صبيّة, أرض خصبة و حقلة, و طلع دم
و طلع هم
و طلعت عانس
من مخّي
طلعت أعلى بوابة و روحي لاحقتها لتطخّي
مدينة خالعة بوابها بلا حيطان بلا زفت
من مخي طلع فلا عالباطون شال جفت
طلعت غنيّة هيي هيلينا عيرينا الدست
خمس حكايا ملفوفة بورق جدران
خمس وصايا عن الثقة من صديقي الحيران
صديقي مات واثق
أو هيك بحب فكّر
من مخي طلع صبي بالغضب متنكّر
مخالب الوحش اللي عاش خايف
ف ضلّ وحش
مفيد
رجل شجاع انتهى و هوّ يعيد
أساميكن على الرسالة بلا عنوان بريد
من مخّي طلع
نسيت
شريط ورا شريط
عري مرفت أمين
و أنا عم ألحق الجارة من بعيد
أضعف طفل بالحارة شاطر بالتقليد
مريد حضرة بسيدي ابن الوليد
مدينة أنبياء فما مررت رؤيا مرّت رؤيا بالوريد
حبل غسيل وجوه ما نشف عنها الحنين
بكير
و الذاكرة بيزعجها الفراغ و بتستعير
من مخي طلع بطل خارق
باعوه بصفقة تبادل و صار أسير
من مخي طلعت يارا هالمرة بجدايل سود
هو مات مع الثوار و هي ماتت مع الجنود
كنت عم عفن ببيروت
من مخي طلع قلبي
سألني وين بوصلتك؟
تركته و رحت شمال
تركني و راح جنوب
و أنا هيك راكض راكض خليني راكض
معبّي الفان ع آخر راكب خليني راكض
منرجع عالبلد؟ لاء منلجأ بالفضا
يمكن يوماً ما نحتلّ عطارد, لا؟
و أنا هيك راكض راكض خليني راكض
معبّي الفان ع آخر راكب خليني راكض
منرجع عالبلد؟ ولك داقت فينا الدنيا
قوليلي, كيف البلد بدها تساعك؟
و أنا هيك راكض راكض خليني راكض
معبّي الفان ع آخر راكب خليني راكض
منرجع عالبلد؟ لاء منلجأ بالفضا
يمكن يوماً ما نحتلّ عطارد, لا؟
و أنا هيك راكض راكض خليني راكض
معبّي الفان ع آخر راكب خليني راكض
منرجع عالبلد؟ ولك داقت فينا الدنيا
قوليلي, كيف البلد بدها تساعك؟
Raked راكض Q&A
Who wrote Raked راكض's ?
Raked راكض was written by Al Darwish - الدرويش.
Who produced Raked راكض's ?
Raked راكض was produced by Al Darwish - الدرويش.
When did Al Darwish - الدرويش release Raked راكض?
Al Darwish - الدرويش released Raked راكض on Wed Jan 01 2020.