Rah Ely Rah Reyah Wertah (Qisah Hyate Bdon Enuan) - راح اللي راح ريح وارتاح (قصه حياتي بدون عنوان)

[المقدمة]
ليلي، ليلي، ليلي، ليل، ليل يا ليل
من إمتى حد بيسمعلي؟
أنا مين بيزعل على زعلي؟
صحابي قلبت أخصامي
وحبيبتي حالفة ما ترجعلي
آه من السنين لما تغلس
والمليونير لما يفلس
والحلوة هتبان وحشتها
والواطي والقلة يهلس
كيمو الديب

[المقطع الأول]
لوحدي وما حدش جنبي
الحب كان غلطي وذنبي
أنا مش هعاتب ولا هسأل
هشيلكو خالص من قلبي
ما لقيتش صاحب جنبيا
ما لقيتش حد حاسس بيا
هحب نفسي أحسن حاجة
وبلاها خالص صحوبية

[اللازمة]
راح اللي راح، ريح وإرتاح
الجرح فرض، الغدر متاح
بحر الخيانة ما لهوش مرسى
وباب السعادة ما لهوش مفتاح
الشدة درس وبتعلم
ساكت ومش عايز أتكلم
بموت وبضحك قدامكو
ومش بخاف ولا بستسلم
الحويطات جاهزين يا خصوم
عندنا آلي وذخيرة، مش شوم
الوحش حسن العمدة الكينج
وحسين العمدة ديب الهجوم

[المقطع الثاني]
زعلان يا دنيا ومتضايق
تعبان بجد ومش فايق
الحظ على حظي معاند
وبجد مخنوق، مش رايق
تايه وغايب، متورط
دلوقتي كله بيتجبرت
يا ويله مني اللي إتكبر
أنا عمري ما في حقي هفرط

[اللازمة]
الإنحراف دلوقتي قانون
ولو عاقل هقلب مجنون
ما بقاش في حد يقدر حد
واحد يصون بيخون مليون
آه من السنين لما تغلس
والمليونير لما يفلس
والحلوة هتبان وحشتها
والواطي والقلة يهلس

[المقطع الثالث]
من إمتى حد بيسمعلي؟
أنا مين بيزعل على زعلي؟
صحابي قلبت أخصامي
وحبيبتي حالفة ما ترجعلي
حياتي بايظة، ملخبطة
دي معايا مش متظبطة
ملاك ولابس وش شيطان
عشان في ناس مستعبطة

[اللازمة]
قصة حياتي بدون عنوان
أول ما بصحى بلف چوان
وكل يوم خناقات ومعارك
وكل ليلة سكر ونسوان
ما بقتش فارقة معايا الناس
كارف زمايلي، زاميلت الكاس
من غير كلام، من غير دوشة
جبروت وخالي من الإحساس

[المقطع الرابع]
كبرتكم صغرتوني
ما شفتكوش قدرتوني
بتقولوا إيه اللي مغيرني
مع إنكم دمرتوني
الدنيا بتموت قلبي
ببعد وبكتم من غلبي
هيجي يوم وهوريكو
هزعل اللي عامل صاحبي

[اللازمة]
شفت الخيانة بألفين لون
مع إني عمري ما كنت بخون
وكنت بخلص لطوب الأرض
وفي النهاية شافوني فرعون
من إمتى كنت بحس بخوف؟
مش هعتمد حد ولا هشوف
هعمل مصايب، هضرب نووي
هتثور حروب وأسحب جرينوف

[المقطع الخامس]
حبيبتي حبيتها وهجرت
أنا كنت بعشقها وغدرت
والمستحيل بعملهولها
ويا ريتها كات مرة إفتكرت
كان أي سر بقولهولها
والحب كله إديتهولها
كان نفسي أكمل وياها
وما كانش نفسي إني أفارقها

[الخاتمة]
الكينج ده حسن العمدة
بيعدي من غير ولا إمضى
الحويطات يا إبني تقيلة
والحملة ده حسين العمدة
كروان مصر عصام صاصا
والجارح كلماته قناصة
كيمو الديب شبح المزيكا
ومعاذ وليد أحلى إدارة