Qürbət

[Verse 1]
Vətənimdən uzaqda, dost tanışdan kənarda
Yaşamaq deyilki, qardaş
Vardır hər bir imkanım, hər istədiyim malım
Bilməzdim, təndirə möhtac qalım

Vətənimdən uzaqda, qulağım hey soraqda
Yaşamaq çətindi, qardaş
Qürbətdə olan zaman, tarın, kamanın səsi
Eşidəndə doldurur gözləri

Bu gün kimi yadımdadı
Məhləmizdə qonşularımız
Birimiz dara düşəndə o biri kömək edərdi
Günümüz belə keçərdi

[Chorus]
Darıxır ürəyim, ah uşaqlıq illərim
Necə qayğısız idi o günlərim
Darıxır ürəyim, ah məktəb illərim
Necə də sevgi dolu idi o günlərim

[Verse 2]
Vətənimdən uzaqda, doğmalardan kənarda
Yaşamaq qəlizdi, qardaş
Zəng edib yazışsamda, görüntülü danışsamda
Ay anacan, qoxun çatmır həyatımda

Vətənimdən uzaqda, haralarda olursa
İstilik görmədim oralarda
Qürbətdə yaşayandan, itib ağzımın dadı
Yoxdu burda anamın dolması

Bu gün kimi yadımdadı
Yığışardıq bayramları
Burda o günlər indi sadəcə bir xəyaldı
Qəribçilik nə yamandı

[Chorus]
Darıxır ürəyim, ah uşaqlıq illərim
Necə qayğısız idi o günlərim
Darıxır ürəyim, ah məktəb illərim
Necə də sevgi dolu idi o günlərim