QADRI SAHAB - Skit 1

[Skit]
Toh janaab, aaj konsi nayi kahani sunayenge?
ek kahaani Alif miyaan ki, jo diwaane Laila ke
bathe saath Tarana ji ke, thoda dil ko behlaane
dore daale lakh Tarana, par miya ko koi parwah nahi
boli "Kehdo aaj kahaani puri, rakho dil me koi parda nahi"
phir miyan bole ke "Phone kara tha, dil me the sawaal bade
kyun mujhse saara pyaar le kar mere hisse me azaab bhare?"
kuch na boli Laila, aur bolti bhi to kya hota?
ek Ajnabi sa ehsaas liye, Alif uske chaukat pe ja pahuncha
aur phir jang hui do aankhon ki, aankhon ne sab kuch jala diya
ek zakhmi aashiq kya karta? Dulhan ko ghar se bhaga liya
Aur jab bhaaga toh samjha Alif ke jeet ke bhi wo haara hai
Laila na dekhe pyaar se, aankhon ne uski maara hai
laila ka daamna jo chutha, haathon ne sutta thaam liya
cigarette ke har kash pe lekin Laila ka hi naam liya
jab dard tha itna toh socho mohabbat aakhir kya hogi?
lo aa gaye le kar ham phir se ek kahaani mohabbat ki
sunte hi zara ghaur farmayein, ye peeche ki bhi hai aur aage ki