Pulanglah Berhari Rayo

[Nota: Lirik dalam loghat nismilan]

[Intro]
'Mok
Yo
Bunyi boduk di pagi ghayo
Batang ghotan jual di pokan
Jika badan masih berdayo
Lopeh ghumah alang teghuih ke ghumah wan
Bogheh segantang secubit tak tinggal
Daghi pulut sampai lah ke buluh
Dek keghano poso langsung tak tinggal
Makan daghi skaghang sampai lah ke subuh

[Verse 1]
Daghi Tampin ko Kampung Talang
Jalan kampung boliku-liku
Ponantian nan bukan kopalang (Aa-hai)
Monanti pulang nan di ghindu

[Verse 2]
Baju kobayo sotongah tiang
Pokaian oghang dulu-dulu
Aidilfitri kombali pado fitrah (Aa-hai)
Kombali pado sunah Rasul

[Chorus]
Pulanglah adik
Pulanglah abang
Pulanglah kakak
Pulanglah sayang
Oh pulanglah, pulanglah berhaghi ghayo

[Post-Chorus 1]
Maghilah adik
Maghilah abang
Menanti taulan
Datang ko ghumah
Kepulanganmu dinanti di haghi ghayo

[Interlude]
Hai gomok
Kalau makan langsung tak bersiso
Mengalahkan pula hantu ghayo
Diboghi tulang dimintak jo poho
Dah macam hidup zaman dinasor
Hey, Faqar
Gomok-gomok dahulu
Kughuih-kughuih kemudian
Selagi den boleh makan
Aden makan
Ko nak den diet?
Aden bolum sakit laie kan?

[Verse 3]
Anak itik pulang ko ghoban
Ghoban lamo tidak bopaku
Ado kilaf haraplah dimaafkan (Aa-hai)
'Mogo jumpo ghayo laie satu

[Verse 4]
Songkok sendeng sobolah kanan
Hakikateh timbangan amal
Jauhilah sogala kemungkaran (Aa-hai)
Komonangan kito di satu syawal

[Chorus]
Hai, pulanglah adik
Pulanglah abang
Pulanglah kakak
Pulanglah sayang
Oh pulanglah, pulanglah berhaghi ghayo

[Post-Chorus 2]
Hai, jangan tak balik
Sobab botogang
Bondo yang lopeh
Jangan di ulang
Kepulanganmu dinanti di haghi ghayo

[Outro]
Tughun ke laut mengaie ikan
Dek keghano usoho dapek lah koli
Sakit poghut tak boleh nak tahan
Kan den dah koba tadi
Kalau makan jangan bokali-kali
Ghanting jatuh keghano patah
Jatuh pulak menimpo atap
Eden tau eden salah
Maghilah sumo eden mintak maaf
Hmm, yo lah