Primma

[Testo di "Primma"]

[Intro]
Dicene ca spisso
Chille ca se vonno nun stanno 'nzieme
E chillo ca stanno 'nzieme nun se vonno
Nuje dint'a che categoria stammo?

[Ritornello]
I' te voglio comme primma
Pecché pe'mmé tu sî 'a primma
'O ssaje ca so' stato sulo
'O ssaje ca mo so' crisciuto
Voglio a te ccà n'ata vota
Voglio tuccá n'ata vota
Londra, Paris, n'ata vota
Nun scumparí n'ata vota

[Strofa 1]
Chiudere 'a porta, fottere forte, 'o riesto nun me ne 'mporta
Chiammammo 'a cena, cannele accese e pe ferní tu sî 'a torta
Nun c'è bbisogno ca susce, 'o desiderio 'o cunusce
Compleanno mije tutt''e juorne, completino intimo porno
Primma ascevemo c''o cross mmiezo Chiaia
Piezze 'e pizza, te sfuttevo ch'ire chiatta (Chiatta, amò)
'O cielo era rosa e po arancione chiaro
Me dicive: "Va' veloce" e po "Va 'e chiano"
Scinnive p''e scale e già era nu spettacolo
'Int'ô SUV i' te vasave a mancá 'o ciato
Quatto frecce a duciente metri da casa
Pecché proprio nun c''a facevemo a 'spettá
Pure si ê cumpagne toje dice staje meglio
'Ncopp'Insta nun ride maje ultimamente
Guagliù, nun saccio si v'è capitato, ê vote
Pare ca siente 'o prufumo ‘a 'int'a na foto

[Ritornello]
I' te voglio comme primma
Pecché pe'mmé tu sî 'a primma
'O ssaje ca so' stato sulo
'O ssaje ca mo so' crisciuto
Voglio a te ccà n'ata vota
Voglio tuccá n'ata vota
Londra, Paris, n'ata vota
Nun scumparí n'ata vota

[Bridge]
I' 'e guaglione attuorno, tu 'e guagliune 'ncuollo
Tutt''e juorne "Comme sî frisco", "Comme sî bbona"
"Quanno ascimmo?", "Quanno suone?"
"Che dice, vengo addò staje?"
Cercano 'e ce conquistá
Ma nn''o sanno chello ca ce sta
Me passe annanze e nun me daje 'o viso
Troppa 'a paura 'e cadé 'mparaviso
Chello ca saje te l'aggio 'mparato i'
Quanno t'attigge si saje na canzone
E po ogne guagliona faccio 'o paragone
Ognuna 'e lloro nun me pare 'a mia (No)
'Ncapa a me: "Nun sî essa, cara mia" (No, no)
Dico: "Sto stanco" pe nn'c''o fá capí

[Strofa 2]
'E storie d'ammore overo fanno 'e ggire
M'illudo ca è 'a mia finché nun jesce incinta
'E chi nn'prova niente, ma ce sta vicino
Chesta è 'a vita, te faje 'ruosso e te sorprende
Nn''ess''a maje accettato chesto si ce penzo (Ah)
D''a vulé 'doppo ca ha durmuto cu n'ato (Number one)
Soprattutto si so' stato 'o primmo ca ha tuccato ('Ruosso)
Ce 'ngrippammo sempe 'ncuoll'a chi c'è stato
Nn'apprezzanno maje 'o presente e addiventanno nuje 'o passato (Nn''o saccio)
Pe capí a finale sempe 'a solita morale
Ca capisce quanto vale quanno ce staje male (Pecché?)
Sta na lista 'e cose scritte ca voglio fá 'nzieme (Seh)
Sta coccosa ca me dice ca nn'è nu penziero (Ah-ah)
Sule d''o mio, ma mo miettete a durmí
Hê fatto 'e tutto pur di paré cuntenta, ferniscela
(Ma che te cride?)