Preteksto

[VERSO 1]
E ta den su mirada
Mi ta sintiele ora mi drumi
Pega kant'i su lomba
Ku lastu tempu e no ke ta ku mi.
Oranan den silensio
Kombersashonnan ineksplikabel
Será den kamber
I e n' ke splika mi ki' ta pasando.
Nunka e no tin tempu pa sinta kome
Pa bai un sine òf sali bai keiru
Pasobra semper e ta trahando.

[PRE-KORO]
Bo n' por splika mi amiga, ta ki' a kambié
I por fabor no bisa mi mihó mi lag'é

[KORO]
Djis inventá un preteksto duna mi
Un speransa chikí pa yuda mi
Kalma e miedu ku tin den mi pechu
Ku mi t'ei pèrdè parti di mi
Ai amiga mi sa mi ta kore
P'un bèrdat ku sigur ta bai morde
Pero si bo stima mi un tiki
I bo ke pa mi ta felis
Djis konta mi un historia kreibel
Konvensé mi ku ta imposibel
Ku di gòlpi su amor ta di un otro
I k'e ta bai for di mi

[VERSO 2]
Ainda mi ta kòrda
Kon nos a start ku nos aventura
Sin pasenshi pa warda
Henter anochi nos por a dura
Nos tabata famoso pa diskushonnan
Profundo i bibu tené den outo
Mientras ku oranan ta pasando
Hest'un amor glorioso, i awor tin nada
I mi'n por kere ku nos bida huntu
Di e manera'ki ta kabando

[PRE-KORO]
Bo n' por splika mi amiga, ta ki' a pas'é
I por fabor no bisa mi mihó mi puntr'é

[KORO]
Djis inventá un preteksto duna mi
Un speransa chikí pa yuda mi
Kalma e miedu ku tin den mi pechu
Ku mi t'ei pèrdè parti di mi
Ai amiga mi sa mi ta kore
P'un bèrdat ku sigur ta bai morde
Pero si bo stima mi un tiki
I bo ke pa mi ta felis
Djis konta mi un historia kreibel
Konvensé mi ku ta imposibel
Ku di gòlpi su amor ta di un otro
I k'e ta bai for di mi