Pi Tutti i Carusi

[Testo di "Pi Tutti I Carusi"]

[Intro]
Pronto
Vita mia
'Mbare sta travagghiannu?
Se mbare cc'è 'n manicomiu, chi fu?
Ti volevo... vulevu riri 'na cosa, volevo organizzare una bella mangiata cu tutti 'i carusi
Cu tutti i carusi ri tutti 'i quatteri?
Hahaha
Ti amo, 'mbare, ti amo
Quando smonti?
Io smonto verso le sette e mezza mba
Me la fai la lista delle cose che vuoi tu così le scriviamo
Ma unni siti, unni l'ham' a fari 'sta cosa
A casa ri funkyman, qua nel balconcino mi rici cosi... Fammi la lista, fammi la lista tua
Mbare chi sacciu, quattru pittinicchi, 'n pocu 'i canni 'i cavaddu
Quattru puppetta
Quattru cipollati
Va bene
Cipollati, puppetta
Va bene ora stiamo segnando frate dai a dopo
Ou non mi faciti avvulari a testa ca sugnu senza soddi

[Ritornello]
Pi tutti i carusi ri tutti i quatteri
Pi cu' si susi e s'ammenta 'n misteri
A me famigghia ca mi voli beni
Pi tutti l'amici ca su' peri peri
Su cc'è 'n manicomiu nni sintemu â casa
Cosi r' 'a luna ca mancu 'ndâ NASA
Modestamente sugnu ri Catania
E sulu pi chistu m' 'a sentu sucata

[Strofa 1]
Cc'attrovi pi strada, paremu 'na squattra
Non semu ca mafia, semu cô signuri
Carusi ri strata mi fanu: Liuni
Viri ca è 'n mostru 'dda spacchi canzuni
A me famigghia si chiama shut up
Partemu ri nenti ma stamu avvullannu
Quattru scupini stannu sparulliannu
'Mbare chi spacchiu mi stati cuntannu
Ducentu mila pammati a rivessa
Cô me dialetto no chiddu ri l'auttri
Se 'u fazzu iu a mia mi fannu 'na festa
Se 'u fannu l'auttri cci fannu i pinacchi
Cavadd' 'i cussa galoppa 'ndâ via
Picchi se nun curri finisci a futia
Quannu mi viri ca mangiu 'u cavaddu
Viri 'n cavaddu ca mangia 'n cavaddu
Si troppu ruci quannu ti mussii
Cosu ca feti chi spacchiu talii?
Cca tutti pari l'avemu 'n cucinu ca spatti cchiù coppa ri Tyson e Alì
Si pezz' 'i medda su parri ri mia
Zero rispetto pi cu sparrulia
E non vi isu manu picchì appoi m'alloddu
Picchi u sapemu ca a medda sbrizzía
Sugnu 'n carusu ri mentalità
Se haju du euru m' 'i spattu cu tia
Picchi pi l'amici mi fazzu 'a galera
Su si' 'n pezzi medda non si comu a mia
'Sti test' 'i minchia ca l'hannu cu mia
'Mbare ma 'u sai picchì haju 'sti haters?
Picchì capaci ca 'a zita ammucciuni s'anfila ru ita e s'ascuta "Sangue Catanese"

[Ritornello]
Pi tutti i carusi ri tutti i quatteri
Pi cu' si susi e s'ammenta 'n misteri
A me famigghia ca mi voli beni
Pi tutti l'amici ca su' peri peri
Su cc'è n'manicomiu nni sintemu a casa
Cosi r' 'a luna ca mancu 'ndâ NASA
Modestamente sugnu ri Catania
E sulu pi chistu m' 'a sentu sucata

[Strofa 2]
A sicunna strofa mancu l'hava a fari
C' 'a prima già fici cchiù dannu r' 'a bumma
T'ascuti 'stu pezzu chê capiddi longhi
E t'arricogghi chê capiddi a tunna
Quannu eru nicu mali riscussioni
Picchi furiavu chê robbi stricati
Fineva a pammati, fineva a pirati
Cca nn'ammazzamu pi quattru minchiatii
San Nullo, Leone, Licuti, Cristoforo, Giorgio, Perillo, Giovanni Galermo
Tutti i carusi ri rutti i quatteri
Chiddi ca nesciunu e fannu buddellu
Picanello, Zia Lisa, Librino, Antico corso, Giudecca, fortino
Tutti i carusi ri tutti i quatteri
Chiddi ca spostunu co muturino
Canalicchio, Cibali, Playa
Pi tutti i carusi ri tutti i quatteri
Monte po', Nesima, Ognina
Tutti i carusi ri tutti i quatteri
Ogni simana sugnu peri peri
Tu parri parri chi spacchiu nni sai
Fai u Catanisi ma pari 'n turista
Picchi nde quatteri non cia statu mai
Sugnu n'fenomeno a fari canzuni
Pi tutti i carusi ri tutti i quatteri
Sugnu dô centru ma sacciu parari
Comu i carusi ri tutti i quatteri
Cu' ni capisci mi potta rispettu
Comu i caruri ri tutti i quatteri
Pi tutti i carusi ri tutti i quatteri
Pi tutti i carusi ri tutti i quatteri

[Ritornello]
Pi tutti i carusi ri tutti i quatteri
Pi cu' si susi e s'ammenta 'n misteri
A me famigghia ca mi voli beni
Pi tutti l'amici ca su' peri peri
Su cc'è 'n manicomiu ni sintemu a casa
Cosi r' 'a luna ca mancu 'ndâ NASA
Modestamente sugnu ri Catania
E sulu pi chistu m' 'a sentu sucata