Passione

[Testo di "Passione"]

[Strofa 1]
Cchiù luntana mme staje
Cchiù vicina te sento
Chisà a chistu mumento
A che pienze, che faje
Tu mm'hê miso 'int' 'e vvene
'Nu veleno ca è doce
Nun mme pesa 'sta croce
Ca trascino pe' tte!

[Ritornello]
Te voglio, te penzo, te chiammo!
Te veco, te sento, te sonno!
È 'n'anno
Ce pienze ca è 'n'anno
Ca 'st'uocchie nun ponno
Cchiù pace truvà?

[Strofa 2]
E cammino, cammino
Ma nun saccio addò vaco!
I' stò sempe 'mbriaco
Ma nun bevo maje vino
Aggio fatto 'nu vuto
 Madonna d' 'a Neve:
Si mme passa 'sta freve
Oro e pperle lle dò!

[Ritornello]
Te voglio, te penzo, te chiammo!
Te veco, te sento, te sonno!
È 'n'anno
Ce pienze ca è 'n'anno
Ca 'st'uocchie nun sanno
Cchiù pace truvà?