Papa

Nafrat hai sunday se kyuki aap ki bhi chhutti hoti hai

Dekhte hi lecture shuru ki tu naalayak hai teri buddhi moti hai

Subah se bas TV, tuney thodhi bhi padhai ki?
Tujhe akkal kab aayegi?

Dad, exams khatam result kal aaya hai!

Subah se TV nhn, abhi chalaya hai!

Kyu mujhe batate ho ki kya kar rahe hai bachche logo ke?

Dusro ke bachcho mei mujhe kho joge toh mujhe kho doge

Aaj aap ki jagah li hai aap ki photo ne, par lagta hai jaise har pal yahin ho
Nafrat hai sunday se, kyuki sunday hai par aap ghar par nahi ho

Aap ke bina mai kuchh nahin

Aap ke bina mai khush nahi

Maine khud nahi, bola tha aap ko badalne ko aaj mai woh khud nahi

I’m sorry, mai aap ko samajh nahi paaya galti meri hi hai

Par ab samajh mei aaya aap ne sab kuchh kiya bas mere liye

Jaise pehle ghar shift kiya, phir bina poochhe mera school change kiya

Pehle laga jaise mere dosto se mujhe jaan-bujh ke dur bhej diya

Ab samajh mei aaya ki ye kyu karna zaruri tha

Par jab aap hi nahi ho toh ye sab samajh ke mai phir karu bhi kya?

Poori zindagi fikar kari ki humei koi fikar na ho

Aap ne poori zindagi tension li ki humei koi dikkat na ho

Gussa bhi karte phir kehte the sorry ki isko dil par na lo

Khaane ko hota tha kam toh kehte the tum sab mil kar kha lo

Mujhko bhookh nahi hai

Par papa hum bewakoof nahi hai

Aap jitni bhi koshish kar lo nahi bol paoge aap jhooth sahi se

Ab aap ke baad ghar ki kishte kaun bharta

Mai kisko phone karta, pata chala aap ke insurance ke paise ne poora kar diya loan ghar ka

Baaki ke paise ko maine haath nahi lagaya

Kyuki woh paisa aap ka hai papa hum ne saath nahi kamaya

Apne paise se gaadhi li papa par gaadhi chalana aap ne sikhaya

Poori zindagi humaare liye itna kiya par kabhi kisi cheez ka hisaab nahi lagaya

Aur mai bas aap se darta raha ki agar mai kuchh puchunga toh aap shayad daant doge

Kuchh bolunga toh shayad naaraz hoge

Ab sochta hu ki agar thodhi himmat kar li hoti toh aaj aap shayad hamaare saath hote

Shaayad hamare saath hote

Aur mai bas aap se darta raha ki agar mai kuchh puchunga toh aap shayad daant doge

Kuchh bolunga toh shayad naaraz hoge

Ab sochta hu ki agar thodhi himmat kar li hoti toh aaj aap shayad hamaare saath hote

Shaayad hamare saath hote