Palomma ’e notte

[Testo di "Palomma 'e notte"]

[Strofa 1]
Tiene mente 'sta palomma
Comme ggira, comm'avota
Comme torna 'n'ata vota
'Stu ceroggeno a ttentà!
Palummè, chist'è 'nu lume
Nun è rosa o giesummino
E tu a fforza ccà vvicino
Te vuò mettere a vulà!

[Ritornello]
Vattenn' 'a lloco!
Vattenne, pazzarella!
Va', palummella, e torna
E torna a 'st'aria
Accussì fresca e bella!
'O bbì ca i' pure
Mm'abbaglio chianu chiano
E ca mm'abbrucio 'a mano
Pe' te ne vulè caccià?

[Strofa 2]
Carulì, pe' 'nu capriccio
Tu vuò fà scuntento a 'n'ato
E po', quanno ll'hê lassato
Tu addu 'n'ato vuò vulà
Troppe core staje strignenno
Cu 'sti mmane piccerelle
Ma fernisce ca 'sti scelle
Purе tu te può abbrucià

[Ritornello]
Vattenn' 'a lloco!
Vattennе, pazzarella!
Va', palummella, e torna
E torna a 'st'aria
Accussì fresca e bella!
'O bbì ca i' pure
Mm'abbaglio chianu chiano
E ca mm'abbrucio 'a mano
Pe' te ne vulè caccià?

[Strofa 3]
Torna, va', palomma 'e notte
Dint'a ll'ombra addò sì nata!
Torna a 'st'aria 'mbarzamata
Ca te sape cunzulà!
Dint' 'o scuro e pe' me sulo
'Sta cannela arde e se struje
Ma c'ardesse a tutt' 'e dduje
Nun 'o ppozzo suppurtà!

[Ritornello]
Vattenn' 'a lloco!
Vattenne, pazzarella!
Va', palummella, e torna
E torna a 'st'aria
Accussì fresca e bella!
'O bbì ca i' pure
Mm'abbaglio chianu chiano
E ca mm'abbrucio 'a mano
Pe' te ne vulè caccià?