Pahuway

[Verse 1]
Kanunay'ng nangita ug tubig ang yuta
Sama pud ning gugma ko
Nga kanunay'ng nangamho
Mahimamat kong damgo
Maangkon ko ang gugma mo

[Pre-Chorus]
Kay sama ako sa balud sa lawod
Nga naga-atang
Dad-on unta ko ning hangin
Paingon sa imong lapyahan

[Chorus]
Ug dili ako mahimutang
Og dili ikaw akong kauban
Ug dili ako mahiluna
Og dili ikaw sa akong tupad
Kanunay, karon, puhon kanimo ra ko
Mupahuway

[Verse 2]
Kanunay'ng gi-anod ngadto sa panganod
Kahaw-ang nga gibati ko
Niining kalibutan, ikaw'ng kagawasan
Ni'ng akong pagkabilanggo

[Pre-Chorus]
Kay sama ako sa balud sa lawod
Nga naga-atang
Dad-on unta ko ning hangin
Paingon sa imong lapyahan

[Chorus]
Ug dili ako mahimutang
Og dili ikaw akong kauban
Ug dili ako mahiluna
Og dili ikaw sa akong tupad
Kanunay, karon, puhon kanimo ra ko
Mupahuway

[Bridge]
Ug di' na ko magduha-duha
Ug di' na ko magpapugong
Kung gugma mo ang kadagatan
Andam ko magpakalumos
Karon makita ko imong kahayag
Matag pagpiyong sa 'kong mata
Kung damgo ni, ayaw na ko'g pukawa
Kay wa' pa koy plano mumata

[Chorus]
Dili ako mahimutang
Og dili ikaw akong kauban
Ug dili ako mahiluna
Og dili ikaw sa akong tupad
Kanunay, karon, puhon kanimo ra ko
Magapabilin sa imong baybayon
Matag panahon, hangtud sa hangtud
Mupahuway