Pabbi minn er ríkari en pabbi þinn

Ef þú lætur mig ekki hafa neyslulánið sem ég veitti þér í gær
Til að kaupa þér mjólk og snúð að viðbættum vöxtum, verðbótum og þjónustugjaldi Þá sæki ég pabba minn
Iii, hvað á hann að gera, pabbi minn er miklu stærri og sterkari en pabbi þinn
Það skiptir engu, pabbi minn er ríkari en pabbi þinn
Er það ekki pabbi?

Elsku litli engillinn
Það er enginn ríkari en pabbi þinn
Ég á milljarða í massavís
Og marmarahöll í paradís
Er með hagstæða afkomu eigin fjár
Arðsemi fjármagns var góð í ár
Ég á átján skip á sjó
Og eyjuna Borneó

Iss, þetta er ekkert. Pabbi minn tekur pabba þinn sko í nefið hvenær sem er. Hann er með viðamikla starfsemi í ótal löndum og hefur fjárfest gríðarlega í fjarskiptaiðnaði bæði í Evrópu og Asíu

Isspiss
Pabbi minn er svo obboðslega umsvifamikill á mörkuðum erlendis, að hann þarf ekki annað en að hnerra til að þeir fari á hreyfingu

Pfff, pabbi minn er svo ógeðslega ríkur að ef þú myndir stafla öllum langtímafjárfestingunum hans upp þá myndu þær ná til tunglsins!
Svo er hann líka með þyrlupall, í svefnherberginu sínu!
Er það ekki pabbi?

Elsku hjartans anginn minn
Það er enginn ríkari en pabbi þinn
Ég á kampavín og kavíar
Og flestar karabísku eyjarnar
Ég á ofgnótt af allskonar listmunum
Ég á egypskan faraó í frystinum
Ég á Beta-vídeó
Og borpall í norðursjó

Hah, þetta er ekkert
Pabbi minn á svo marga fjárfestingarbanka að það er ekki einu sinni hægt að telja þá

Og hvað með það?
Pabbi minn er með svo sterka eiginfjárstöðu að arðsemi af fyrsta ársfjórðungi ein og sér myndi nægja til að byggja þúsund nýja píramída í viðbót í egyptalandi
Lágmark

Píramídar, smíramídar
Pabbi minn innleysti svo mikinn gjaldeyrishagnað vegna sölu erlendra fasteigna á 3. ársfjórðungi síðasta árs að við þurftum að borða styrjuhrogn og rufflusveppi í mánuð
Er það ekki pabbi?

Elsku litla apaskinn
Það er enginn ríkarien pabbi þinn
Ég aldingarðinn Eden fann
Og ég endurinnréttaði hann
Ég á skítnóg af skattfrjálsu lausafé
Og skútu sem ég nánast aldrei sé
Ég er annáluð aflakló
Og á órangútanskó

Pfhh, pabbi minn hefur grætt svo mikið á afleiðuviðskiptum að tekjuskattsskuldbindingarnar einar myndu nægja til að kaupa ís og nammi handa öllum svöngu börnunum í Afríku í heila öld

Iss, pabbi minn er svo sjúklega ríkur að hann baðar sig aldrei nema upp úr 100 ára gömlu koníaki og sápar sig með nepölskum jakuxaosti!

Hmm, það er nú bara ógeðslegt

Skiptir ekki máli
Svo á hann líka flunkunýja einkaþotu, brjálæðislega hvíta!

Iss, pabbi minn á tvær!
Eina svarta og aðra með tígrisdýramunstri
Svo á hann líka miklu fleiri konur en pabbi þinn!
Er það ekki pabbi?

Elsku besti ormurinn
Það er enginn ríkari en pabbi þinn
Ég á það flest sem eignast má
Og afganginn Evil ég ekki sjá
Er með kaupréttarsamning sem kveður að
Ég á kjarnorkuknúið gufubað
Fæ gjaldfrálst í þrjú bíó
Og ek gullvagninum hans Bo

Jæja, þú vinnur