Outro | آخر الأحياء علي وجه الأرض

" كلمات هيثم نوفل "آخر الأحياء علي وجه الأرض
[المقطع الأول]
أنا البواب ، ملعون أبو دي وكالة
إرموني من فوق ..أنا مش حاسس بأي حاجة
بيكتفوني ..إيد ف إيد حاضنين بعض
و كأنه مشهد آخر سلام علي وجه الأرض
رعد برق كآبة الليل و المطر
كل الحاجات اللي بتوحي لك بالخطر
دلوقتي اعترف فعلاً كنت مختلف
ليه بدأت من الألف؟ أنا كان المفروض ألف
لكن كل الكلام متأخر
مليش شريط حياة ..دول مشهدين أو أكتر
شفت طير جريح بيهرب من بلاد الظلم
و دمعة أم بتغلي عايزة تاخد إبنها بالحضن
وصولي لهدفي كان كآخر نقطة علي شعاع
غفلة إستمراري لرفضي الإنصياع
نفخت آخر ريشة فإيدي للطير اللي قابلته
نسيت كل اللي شفته و يا ريت إنتو كمان تنسوا

[جسر]
الفرص نجوم مبعثرة في السماء قلما يتعثر المرء فيها ، فتارة تتوهج و تارات كثيرة طويلة المدي تخفت ثم يذهب ضوءها و يترك خلفه تلك السوداوية المفزعة ، فينهض كل منا يصارع المرض ...مرض الإدراك

[المقطع الثاني]
بيغموا عيني رغم كده لسه شايفهم واقفين
لأ ربطوا كويس لكن ده وقت رؤية عين ؟
دلوقتي وقت رؤية حق و رؤية باطل زق
واحد قدامي كان بيقول اللي أنا بقوله بالزبط
هه ...سيبوهم ينفذوا الحكم
بكره نفتكر سوا و نضحك لما مت
و حاجات كتيرة نبقي نحكي فيها لما اشوفكوا
إلي اللقاء في حياة تذكرة دخولها موتكوا
أو يمكن كنت غلط متمشوش ورايا
نسجت خيوط كفن عشان كاره أرض العرايا
رافض مبدأ القطيع فالوحدة بتكون نعمة
خلوني اكون صريح إنطوائي مدح فعلاً
الصوت بيعلي إيد تزق فجأة تسيب
النبض يزيد بعدين يقل بالتدريج
أديني مشيت لكن حد ضامن حاجة ؟
لو أنا مت إنهاردة عادي الدنيا قلابة

[الخاتمة]
الآن عليّ الذهاب و لكن عاجلاً أم آجلاً ستكتظ الدنيا عن آخرها حتي تقيئ آخر هؤلاء المتعفنون أمثالكم و تمرض حتي يأتي أجلها ، و تكونوا آخر الأحياء علي وجه الأرض ..فقط وحدكم علي وجه الأرض