Out Of Control

[Bənd 1]
3 qat olimpiya çempionu, söz güləşdirmək üzrə
Rap də dəniz kimidir dərinə getmək əsl hünər istər
Bil, səlis hər kəlməm üzdə, görünən gözdən
Düşənə qədər bu axına tərs üzmək istər
Biz ən pis tən, bil sən bizdən tapa biləcən ancaq səhv izlər

Bilsən, bugün irəli gedəni bitirə bilən əməl
Nə qədər dəstək gözlər?!
Et səy, gözlə, bəlkə tək ələ görədir bu qədər dərd, əgər bitsə
Döz və tələb etsə, tək-tək, gələ bir, hərə bir
Mənə görə rəqibim yerə girib, elə bil cüt göz tərəzi
Beat – verse tələsi, mənə göstər

Əzib qalxdım yenə
Yeniyetmələr əməlini tərgitsin deyə
Səhnə, mənim passiv dönəmimi görüb
Elə bilər qələmimi tullamışam yerə
Bitmir səbrim, hərbim gərgin
Təmkinəm hər gün, qəmgin tək kim?
Həb kimi sərgim, dürüst hər kin!
Məni mən edən əsəbim
İri səddim, yenə sərtəm

Sözüm hərdən, özüm əldən gedənə qədər
Bədənimi də süzə tərdən, isit hərdən
Bu səfər dəm edə bilərəm rəqibimi asıb gözə pərdəni
Belə əzəldən – ağzına gələni tez tez deyənə deyirlər – texnix rap
Nə gözəl qəm?!
Bu qədər ağ şeirin içində
Lirika məndədir düz, amma gözə gəlməm!

Woow, nə qədər saxta adlar bol, geridə saf vaxtlar
Flow, mənə görə yol, “track”lərim
Elə bil ki, sonuncu dəqiqədə qol
Çoxları qol-qanad açıb sevinəcək
Kimi qəm təqib edəcək evinəcən
Qara pencək, ara bir chain, sətir incə
Tərzim – Out Of Control