Öldurótið

[Verse 1]
Um holótta grýtta götu
Þú gengur með staf þér í hönd
Og sérð það er bátur að berjast
Við brimið nærri strönd

Þú sérð það er bátur að berjast
Sú barátta fer ekki vel
Þar velkist í válegu róti
Lítil, veikbyggð skel

[Chorus]
Nú hanga skýin henglum í
Hafið vekur þungan gný
Og himinninn er grár í dag

[Verse 2]
Þér þykir svo vont að vita
Af vinum í sárri neyð
Og geta ekki veitt þeim vonir
Og vísað færa leið

En líta skal lengur á málin
Og ljóst virðist mér það nú
Að brimið er barningur lífsins
Og báturinn hann er þú

[Chorus]
Nú hanga skýin henglum í
Hafið vekur þungan gný
Og himinninn er grár í dag

Nú hanga skýin henglum í
Hafið vekur þungan gný
Og himinninn er grár í dag