’O Surdato ’Nnammurato

[Strofa 1]
Staje luntana da 'stu core
A te volo cu 'o penziero
Niente voglio e niente spero
Ca tenerte sempe a fianco a me
Si sicura 'e chist'ammore
Comm'ij so' sicuro 'e te...

[Ritornello]
Oje vita, oje vita mia
Oje core 'e chistu core
Si stata 'o primmo ammore
E 'o primmo e ll'ùrtemo sarraje pe' me!

[Strofa 2]
Quanta notte nun te veco
Nun te sento 'int' a 'sti bbracce
Nun te vaso chesta faccia
Nun t'astregno forte 'mbraccio a me?
Ma scetanneme 'a 'sti suonne
Mme faje chiagnere pe' te...

[Ritornello]
Oje vita, oje vita mia
Oje core 'e chistu core
Si stata 'o primmo ammore
E 'o primmo e ll'ùrtemo sarraje pe' me!

[Strofa 3]
Scrive sempe 'e sta cuntenta
Io nun penzo che a te sola
Nu penziero mme cunzola
Ca tu pienze sulamente a me
'A cchiù bella 'e tutt' 'e bbelle
Nun è mai cchiù bella 'e te!

[Ritornello]
Oje vita, oje vita mia
Oje core 'e chistu core
Si stata 'o primmo ammore
E 'o primmo e ll'ùrtemo sarraje pe' me!