’O ccafè

[Testo di "'O ccafè"]

[Strofa 1]
'O llatte è buono e 'a ciucculata è doce
E pure 'a cammumilla bene fa
Rinfresca ll'orzo e 'o vino fa felice
E sulo ll'acqua 'a sete fa passà
Ma 'nu milione 'e gente
'E Napule, comm'a me
Nun vonno sapé niente
E cámpano cu 'o ccafè

[Ritornello]
Ah, che bellu 'o ccafè
Sulo a Napule 'o ssanno fà
E nisciuno se spiega pecché
È 'na vera specialità
Ah, ch'addore 'e cafè
Ca se sente pe' 'sta città
E 'o nervuso, nervuso comm'è
Ogne tanto s' 'o vva a piglià
Comme nasce, tu siente 'o bebbé
Ca dice: "Nguè-nguè, 'nu poco 'e cafè"
E ll'inglese se scorda d' 'o tè
Si vène a sapé
N'espresso ched è
Ah, che bellu 'o ccafè
Sulo a Napule 'o ssanno fà
E accussì s'è spiegato 'o ppecché
Ca pe' tutt' 'a jurnata
'Na tazza po 'n'ata
S'accatta, se scarfa
E se véve 'o ccafè

[Strofa 2]
Pe' bevere 'o ccafè se trova 'a scusa
Io ll'offro a 'n'ato e 'n'ato ll'offre a me
Nisciuno dice "no" pecché è 'n'offesa
So' giá seje tazze e songo appena 'e ttre
Ma, mentre faccio 'o cunto
'N'amico mme chiamma: "Gué
E fermate 'nu mumento
Bevímmoce 'nu cafè"

[Ritornello]
Ah, che bellu 'o ccafè
Sulo a Napule 'o ssanno fà
E nisciuno se spiega pecché
È 'na vera specialità
Ah, ch'addore 'e cafè
Ca se sente pe' 'sta città
E 'o nervuso, nervuso comm'è
Ogne tanto s' 'o vva a piglià
Comme nasce, tu siente 'o bebbé
Ca dice: "Nguè-nguè, 'nu poco 'e cafè"
E ll'inglese se scorda d' 'o tè
Si vène a sapé
N'espresso ched è
Ah, che bellu 'o ccafè
Sulo a Napule 'o ssanno fà
E accussì s'è spiegato 'o ppecché
Ca pe' tutt' 'a jurnata
'Na tazza po 'n'ata
S'accatta, se scarfa
E se véve 'o ccafè

[Outro]
Che bello... 'o ccafè!