Nürburgring

Dä Herrjott säht zo Abraham: "Opfer mir ne Sonn!"
"Wat sähs du? Ich kann dich nit verstonn!"
Jott säht: "Maach!"
Abraham: "Wat?"
"Kääls wie dich hann ich langsam satt
Waat, wenn ich dich krieje, besste hin!"
"Okay, wo soll dat Schlaachtfess sinn?"
"Wo't immer ess – om Nürburgring!"

Dä Weber's Fuss met singer bloodige Naas
Hätt om Sozialamp dä Termin verpass
Hä kühmp beim Pitter
Kühmp beim Schäng: "Mann
Jetz weet et langsam eng!" Dä Pitter säht:
"Jetz setz dich endlich hin un hahl de Fress
Ich will de Sportschau sinn!
Die kütt hück live vum Nürburgring."

Mac, dä "Finger", säht zo Lui, dämm King:
"Hühr zo, Mann, ich hann dat Wahnsinnsding
Un zwar en Fete, do stepp dä Bär
Do filze mer uns övver Naach zom Millionär."
"Ich gläuv, ich weiß wo"
Säht dodrop dä King
"Un weißte wat? Ich kenn och dä Termin:
Karfriedaachnaach om Nürburgring"

Un die fünfte Doochter uss der zwölfte Naach
Wirf ihrem Vatter vüür:
"Du häss jet falsch gemaat
Luhr mich doch ahn, Mann
Ich benn vill zo blaß un usserdämm:
Woher's die Jüddenaas?"
Dä Vatter stöhnt: "Dat hann ich kumme jesinn
Stemmp, häss Rääsch: Du bees'e Findelkind
Kohms uss der Kurv jefloore - om Nürburgring."

Dä Pinselquäler mäht e lang Jeseech:
"Vun welchem Zung brich mer 'ne Weltkreech?
Un usserdämm, wie weet dat plakatiert?
Un die Regie: Wer kritt dat inszeniert?
Ejal, als eeztes bruch mer en Tribün
Dä Rest dä soll dann nit mieh ming Sorch sinn
De Hauptsaach ess: Dat läuf om Nürburgring."