Nu brutto suonno

[Testo di "Nu brutto suonno" ft. Luchè]

[Intro: Rocco Hunt]
Rocco Hunt, Luchè, vai Nazo, tengo na storia

[Strofa 1: Rocco Hunt]
Duje uagliune dint''o metrò, stanno mane dint''e mane
Dint''a sacca na speranza, jì a faticà luntano
Cu na borza chiena 'e suonne, nu biglietto sulo andata
'A prumessa 'e sta' vicino, pure 'mmiezz'ô temporale
Nu passato comm'a chisto je nun 'o voglio maje cchiù
Na casa d''a nostra addò 'o cielo è cchiù blu
'A vista nun serve pecché ce staje tu
'O ssaje ca me fido, nun serve che giure
Luntano d''e 'nciucie d''a gente
Ca aret''e fenestre ce segue, ce osserva
Pecché t'accuntiente d''o niente
Si mo putisse pretendere 'e stelle
Nu poco 'e risposo ce stesse, facesse 'e valigie e partesse
'O saccio, sî stanca, m'abbracce e po' chiagne
Si chillo te manca pecché me staje a ffianco?
E daje mille complesse, comme si già nun ne tenesse
Nun ce sta minute ca nun penzo 'e parlà sulo ch''e Tennent's
Vulesse turnà a chillu juorno
Pecché chillu juorno m'hê fatto cuntento
M'hê fatto turnà nu criaturo
Spugliannete annuro, però nun t'appartengo
E voglio ca m'abbracce, ancora n'atu ppoco
E, ja, nun fa' 'sta faccia, 'o ssaje ca chisto è 'o posto tuoje

[Ritornello 1: Rocco Hunt]
Ja, viene ccà, famme pensà ca era nu brutto suonno
Ja, nun pazzià, stammo passanno tutt''a vita a correre
Se parlo con te, parli alle amiche che giurano poi di non dirlo a nessuno
Questa città di serpenti che è poco più grande di un buco del culo
E chella faccia da criatura, ca nun è turnata cchiù
Nu bruttu suonno fa paura, si po' me sceto e nun ce staje tu
Chiamami quando ti senti stanca, prendi a calci il muro e poi non ne puoi più
Io sto gridando, mi sento stanco, solo contro questo mondo a testa in giù
Ja, viene ccà, famme pensà ca era nu brutto suonno
Ja, nun pazzià, stammo passanno tutt''a vita a correre

[Strofa 2: Luchè]
'O nomme mio tatuato 'ncopp''o dito
'O ssaje ca mo è na cicatrice a vita
Nun te pozzo dà tutt''e segrete mieje
Nun te pozzo dà 'o potere 'e me ferì
Esse ricette: "Ma chi sarai?
Chi tiene a fianco quand'è fernuto?"
Je rispunnette: "N'ommo comme a me
S'ha accattato 'a vita e già se l'ha vennuta"
Già me veco sotto 'e trent'anne
Cu nu pare 'e figlie ca a stiento saccio
Passo 'e nuttate assieme ê cumpagne
Cu na pusteggia pe' ogne isolato
Je so' tale e quale, a tutte quante
Ciento femmene e na mugliera parcheggiata a casa
Ma te saccio 'a quando tiene 'e diente 'e latte
E voglio mo ca t'annammure e n'ato
Voglio che daje nu criaturo a n'ato
Nun te pozzo offrì cchiù 'e na nuttata 'e sesso
Borze Hermes e tantu stress, se vaco carcerato
Tu hê visto sempe 'o meglio
Nun pozzo guardà cu ll'uocchie 'e ll'ate
Cierte perzone stanno male
E je songo 'o primmo che l'ammette
T'aggio sempe ditto: "Vaje chiano quanno te piace nu guaglione
Ca si po' ce daje tutte cose, chillo se piglia tutte cose"
E mo commetto 'stu sbaglio sulo pe' fa' 'a cosa justa
E po' te guardo 'e cammenà fino a che nun te veco cchiù (Ah)

[Ritornello 2: Rocco Hunt & Luchè]
Ja, viene ccà, famme pensà ca era nu brutto suonno
Ja, nun pazzià, stammo passanno tutt''a vita a correre
Se parlo con te, parli alle amiche che giurano poi di non dirlo a nessuno
Questa città di serpenti che è poco più grande di un buco del culo
E chella faccia da criatura, ca nun è turnata cchiù
Nu bruttu suonno fa paura, si po' me sceto e nun ce staje tu
Si vede che non ridi da tempo
Asciugati questi occhi e non pensarmi più
Io ti prometto col pugno sul petto
Che non dimenticherò, come volevi tu
Ja, viene ccà, famme pensà ca era nu brutto suonno
Ja, nun pazzià, stammo passanno tutt''a vita a correre