Nour - نور
Zap Tharwat - زاب ثروت
Download "Nour - نور"
Nour - نور by Zap Tharwat - زاب ثروت (Ft. Amina Khalil - أمينة خليل)
Release Date
Performed by
Zap Tharwat - زاب ثروتProduced by
Sary Hany - ساري هانيWrited by
Zap Tharwat - زاب ثروتNour - نور Lyrics
[المقطع الأول: زاب ثروت]
منبه صوته عالي فوق عقلي وترتيباتي
يوم المقابلة فكرني بأول شغل في حياتي
مهندسين كتير جدعان وبيسعوا للوظيفة
خبرتهم في الحياة مفيش زي الورقة النضيفة
آخر CV في إيدي باسم نور عبد الكريم
ورقة مذكرات من نصه وقعت بتاريخ قديم
نور كان الكبير على بنتين إتنين
من المسئولية عمره ما اشتكى طول السنين
صحابه دايماً بيلوموه وضغوط كتير عليه
يا ابني هتعمل إيه بالعلم وبالدراسة هتبقى إيه؟
سؤال عارف إجابته فعمره في يوم ما حيره
أمه دايماً في ظهره بتسنده وتصبره
بس فجأة مرض أبوه بقى ياكل فيه ويكسره
لازم يلحق أخواته وبيته قبل ما يخسره
نزل ورشة أبوه وقال للناس هنسى العلام
شهور واتقال عليه أسطى زي أبوه تمام
في السر كان بيذاكر والدكاترة قدروه
عرفوا ظروفه ومشاكله وفي الغياب استحملوه
يوم ما استلم الشهادة كان طاير فوق السما
مهندس ميكانيكا قد الدنيا إنما
خبر وفاة أبوه كان رصاصة هتقتله
كتر الهموم من صغره قدرت يومها تصبره
الورقة قلبتها وفي عقلي بقول ده مش هيقع
وللوظيفة خلاص اخترته لأنه جدع
[اللازمة: أمينة خليل]
لا أنا هتحط على الهامش ولا هقبل أكون ع الرف
دي الدنيا بتمشي عشان إحنا في نفس الصف
أنا بسبق بتحدى ظروف إنت مبتعشهاش
ودور هو لا يمكن يوم هيكمل غير بدور هي
[المقطع الثاني: زاب ثروت]
معاد المقابلة جه ومتحمس إني أشوفه
أسمع منه أكتر عن حياته وأحلامه وظروفه
بس المفاجأة كانت أن نور مطلعش راجل
في بنت قدامي بتقولي أهلا مبقتش فاهم
سألت بإستغراب اسمك نور عبد الكريم؟
ردت عليا بابتسامة أهلاً، وأنت مين؟
سألت تاني ليكي اخوات؟ ردت أيوه بنات
وأنا المسئولة عنهم من يوم ما ابويا مات
اتصدمت من الإجابة نفس كلام السطور
وجوا عقلي ألف صوت بيقولي مش معقول
إزاي كانت في ورشة؟ إزاي كانت سند؟
إزاي كانت رجولة دي بنت أصلاً مش ولد؟
إزاي عُمال رجال يقول ليها يا ريسة؟
إزاي هقول اخترت ست اخترت مهندسة؟
جوايا صوت بينكر السؤال قبل الإجابة
بينكر التردد وبيأمر بالاستجابة
لصوت العدل فيا ويفكرني باختياري
عشان قدامي بنت يبقى هغير قراري؟
عيب وعار عليا وليها لازم اعتذر
إزاي ما بين أفكار مريضة قديمة بتأسِر؟
عقلت واديت لنور ورقة مذكراتها
قلتلها إني عارف كتير قوي عن حياتها
مبروك عليكي الشغل ومتأكد هتنجحي
وأتمنى نكون صفحة في حياتك فيها تفرحي
[اللازمة: أمينة خليل]
لا أنا هتحط على الهامش ولا هقبل أكون ع الرف
دي الدنيا بتمشي عشان إحنا في نفس الصف
أنا بسبق بتحدى ظروف إنت مبتعشهاش
ودور هو لا يمكن يوم هيكمل غير بدور هي
Nour - نور Q&A
Who wrote Nour - نور's ?
Nour - نور was written by Zap Tharwat - زاب ثروت.
Who produced Nour - نور's ?
Nour - نور was produced by Sary Hany - ساري هاني.
When did Zap Tharwat - زاب ثروت release Nour - نور?
Zap Tharwat - زاب ثروت released Nour - نور on Fri Nov 25 2016.