Nisf elkawn / نصـــف الكــــون

"كلمات ليندة بلاك هارد "نصف الكون

[دخلة]
Black Hard in the building once again
Women’s rights

[المقطع الأول]
أرواح فهّمني لاه المراة تبانلك ديما تهديد كي البومبا
ربّي خلقنا لبعضانا ما خلقناش باه نديرو كومبا
من وكتاه ولّى القدر يڨولو عليه تحلاب؟
القدر امّا ومّك ختي وختك، الفكر طلّاب
هزّيت كتاب قريت فيه غير حقوق المرأة
دستور بحبر كذّاب يسبق حسيبة بولمرقة
هدرتوا عالحقوق، أنا حقّي شفتو غير فـ ورقة
خدمة حلال وكي ما ركحتلهمش اتهموني بالسرقة
أنا نعطيك ما نعطيلكش كاين بزاف كما البلاك يحلو فامهم ما يحلوشااا
كيما شي ذكورة هبطوا السروال وما هدروشااا
كاين شي نسا بذراع رجال على شي فروشااا
ڨولتوا الخدمة غير للنساء، وين راهي الخدمة؟ راني بلا خدمة
كاين حراير ياو بلاك تنسى، وكاين عراير على مبادئها عافسة
وكاين جراير لي باعت شرفها بلبسى، مالا غير عڨبها واكسى
مثلك يقول: صبع يدّيك ما هومش كيف كيف
مثلي يقول: ضباع بسنيك واڨفة غير نيف
كاين ذكروة تخمّم عـ المراة ونصبلها سيف
يستغل ضعفها على جال الشهوات يولّي كفيف

[اللازمة] (x2)
ما تحقرش بالعين لازم تعرف بلّي المراة نصف الكون
لي كبرك شكون؟
سهر عليك ليال
وفي لافان تنذل

[المقطع الثاني]
مجتمع فاشل يدرّڨ بالمراة يغطّي تفنينو
داروا السبّة وطريڨنا ذكورة مدرڨينو
قذف المحصنات أحكم فمّك راهي من الكبائر
ما تغلّطش روحك، الحق من يومو دافنينو
عباد ما بغاتش تحشم، تسبّ وتهين
بلاد شارية الرخس بڨرام الطحين
بالحرام غافلين، على الحق ساكتين
بالباطل راضيين، بالتعب واڨفين
ومبعّد يجي يڨولك: المراة ناقصات عقل ودين
عباد تسب، عباد تفرّڨ بين المراة والراجل
بلاد السّب نساو بلّي المراة جابت الراجل
امهات تمد لولادها باه تشوفو واصل
وكي يلحڨ ريجّع الخير ذلّان تعب باطل
حاسب لسانك كلّش يفوت كلّش يفنا
راقب فعالك آخرتها موت وجثة معفنة
لازم تعرف بلّي الدنيا هذي ماهي غير حفنة
ماشيين في وسطها كي الطياف بروح مكفنة

[اللازمة] (x2)
ما تحقرش بالعين لازم تعرف بلّي المرة نصف الكون
لي كبرك شكون؟
سهر عليك ليال
وفي لافان تنذل

[عينة مقتبسة من فلم الرسالة]
"-وماذا في دينكم عن النساء؟
-ديننا يساوي بين الرجال والنساء، لهن ما لنا وعليهن ما علينا
-ماذا لهن؟ ونحن نشتريهن ونطعمهن ونكسوهن ليخدمننا أو نبيعهم إذا أبينا الطاعة
-أتمتهن المرأة التي حملتك في بطنها خلقا من بعد خلق؟ وأرضعتك طفلا وسهرت عليك حتى بلغت أشدك يا عَمْرْ؟

[اللازمة] (x2)
ما تحقرش بالعين لازم تعرف بلّي المراة نصف الكون
لي كبرك شكون؟
سهر عليك ليال
وفي لافان تنذل