Nicotine - نيكوتين

[المقطع الأول]
إيديا بقت زعانف، عايم في بحر دم
مش هلمسها حالف، والنسيم مش هيتشم
أتجمد وسط النار وأبقى كسرت القاعدة
مش شايف غير الدمار، تفتكروا محتاج مساعدة
أنا عينيا مش في بوقي وبوقي مش في قلبي
بقول للساعة دقي بدل ما يقولوا عليا سلبي
وكلامي مبقاش مفهوم، طاير وسط السحاب
الورق بيطير من إيدي وبيتكون كتاب
كتاب ورقه مقطع، ممكن يكون ملعون
كتاب يحبسك جواه زي زنزانة السجون
مطحون في النظام أكنك أنبوبة معجون
العالم ده مش طاهر، العالم ده مسموم
مش هفضل أقولكوا حاضر أكني في بيت مسكون
مسكين اللي مش مجنون، ومسكين اللي بيفكر
بقيت مش منظم، قبل ما أرسم مش بسطر
بس كتر البنج خلاني أفكر بعمق أكتر

[اللازمة]
دايرة بنلف فيها وتايهين
نشرب السم بس في صورة نيكوتين
عقلي بيتفتت من كتر التفكير
بطء الحركة هو سبب التأخير
دايرة بنلف فيها وتايهين
نشرب السم بس في صورة نيكوتين
عقلي بيتفتت من كتر التفكير
بطء الحركة هو سبب التأخير

[المقطع الثاني]
قصة حياتي هتتحول حدوتة قبل النوم
بتشك في كل حاجة وتقول مالوش لزوم
والزوم يقرب بينا ويكبر الأماني
بقرب منك غصب عني، جمالك عماني
ولما خسرت تاني قررت إني أتغير
شايفين إني أناني ومع ذلك أملي قصير
فإني أعيش أفضل أدور ومابلاقيش
بنزف أحداث بسببها جوا دماغي مابتتنسيش
حولت الضعف وردة فهاضطر أقطع جذورها
هأمشي في الضلمة لوحدي ومش هحتاج لنورها
مش هقطع اللسان اللي في مرة جرح شعورها
بس لو النهاية جت أتمنى دوري يجي قبل دورها
لأ مش هضحي، تافه مش فاضي
أوفر عمري لحد تاني، سميني إقتصادي
مش هشرب تاني وعد مني بجد غير المرة دي
شايف الملايكة واقفين قصادي
مزيكا عالية، مش سامع حد
بقع في نص حارة والحارة فيها سد
بضرب السد ضربة، السد بيتهد
وبطلع أجري بسرعة، رجلي بتتشد
الجد جد وأوهامي صدقتها
هالوي دراعي لو روحت عندها
أنا مش بخاف، كانت أكبر كدبة كدبتها
عمر اللي شاف يحس حاجة أنا عيشتتها

[اللازمة]
دايرة بنلف فيها وتايهين
نشرب السم بس في صورة نيكوتين
عقلي بيتفتت من كتر التفكير
بطء الحركة هو سبب التأخير
دايرة بنلف فيها وتايهين
نشرب السم بس في صورة نيكوتين
عقلي بيتفتت من كتر التفكير
بطء الحركة هو سبب التأخير