Nëntor i ftohtë

[VERSE 1]
A ka një kujtim të më ngrohë në këto ditë për mua?
A ka ndonjë udhë e si burrë ta kthej kokën t'shikoj?
A ka një kujtim të na jep një kuptim a s'më thua?
A më tregoni ku ta gjej forcën sot të këndoj?

Akoma të freskët e kam at' shikim të përbuzjes
Akoma të freskët të ftohtin e dhimbjes në asht
Akoma të freskta edhe gjurmët që këmbët i lanë rrugës
Syri më mbeti i ngrirë në shtëpinë që më kurrë nuk e pashë

[Chorus]
Nëntori i ftohtë
Më ndjek dhe sot
Nëntori i ftohtë
Jehon në mot

[VERSE 2]
Kaluam një shekull në ecje por prap u rrëzuam
Kaluam një shekull por prap s'mund të qëndrojmë në këmbë
Kaluam një shekull mësim e si asgjë s'mësuam?
O i paditur syri i pangopur një popull e shëmb

Sa gjatë do të shkojë derisa ne ta duam vetvetën
Sa gjatë do të shkojë derisa fatin vet ta ndryshojmë
Sa gjatë do të shkojë derisa tjetrit t'ia çmojmë jetën
A më tregoni ku ta gjejmë forcen sot të kendojmë

[Chorus]
Nëntori i ftohtë
Më ndjek dhe sot
Nëntori i ftohtë
Nëntor ...

[OUTRO]
Më shanë e më ranë, i pabesë do të bëhesh më thanë
Më zhveshën e veshën, as veten s'e njoh më kush jam
Vellon që ma kanë qepur, sa krenar sot e mbajë
Valles që ja kanë hedhur, sikur një nuse sa bukur hapin që e mbaj