Nasi Kol Haga - ناسي كل حاجة

[المقطع الأول]
وحدي ماشي في الشوارع
رايح فين أنا مش عارف
يمكن بجري ورا بكرة
ويمكن بجري من إمبارح
سارح بهرب من الدنيا الحقيقية
أو خايف هي الكلمة الأدق
يجرى إيه لو عيشنا جوة فيلم أو أغنية
وحياتي بتقولي خلص ما فيش وقت
بيمد العمر بسرعة وبيجري بيا
وأنا من جوايا عيل مش مستعد
مش عارف ليه الناس كلها مثالية
متأكدين من كل حاجة، ما فيش شك
بفكر فيكي وساعات بحن
مش لاقي أي حلم يصحيني
مش مهم، مش مهتم
سادد وداني ومغمض عيني

[اللازمة]
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع تاني لحياتي قبلك
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع تاني لحياتي قبلك

[المقطع الثاني]
عايش أنا جوايا وما فيش حد معايا
رغم الناس حواليا كتير، أنا وحيد
بكتب حكاية ولسه واقف في البداية
الورقة بيضا لكن فيها شخابيط
فيها رسمة لمكان أحلى
وفيها قهوة وقعت مني وأنا سارح
وفيها عينيكي مرسومة لكن مش واضحة
بحاول أفتكر كل الملامح
مسامح نفسي على عمر ما عشتهوش
على قلب خاف يدق طول حياته
على كل سؤال ما سألتهوش
أكتر شيء مخيف هو الخوف ذاته

[اللازمة]
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع تاني لحياتي قبلك
أنا ناسي كل حاجة بس فاكرك
بروح نفس الأماكن يمكن أقابلك
ساعات بخاف تكوني من خيالي
مش قادر أرجع تاني لحياتي قبلك