Napoli Xatirəsi

[Bənd: Xpert]
Belə bir ağır ritm seçmişəm ki, bir az yellənəsiz
Avtobusdan əl elədim, amma maşınınızdan eləmədiz
Yuxuda döndü Şəhri şeyxə
Qondu dizinə məlakələr
“Repə qayıtmasan", - dedilər, - "dağlar aşar, bəla gələr"
Köçüb getdi məhləmizdə ruslar
Evləniblər hamısı, indi nənə kimidir istədiyim qızlar
Turba yığıb, "salka" atıb, "рогатка"mla vururdum
2 alanda sinfimizin pəncərəsin qırırdım
MC adı yazılı qıraqda mənim ən arxa parta
Sevməmişdim avaraçılığı, gecələmədim barda
Daha maraqlı qışda dərsi qoyub, çıxıb yarıda
Ləzzət eliyir "ботинка"lar səs çıxarar qarda
Mayka çöldə, əlim kir
Qara şalvar topuqdan
Yaşıl dizimə yadigardı yıxıldığım otluqdan
Evə gecikib qapıda qalmışam, əsirəm soyuqdan
Cavan olardı nənəm kaş, döyərdi bizi çubuqla