Nafs El Homoum Nafs El Doghout (Donya Karhany Leh) - نفس الهموم نفس الضغوط (دنيا كرهاني ليه)

[المقدمة: كيمو الديب وعصام صاصا]
أوضة والسرير، دخان كتير ومهدئات
وعيوني حمرا متفيمة والوزن خف
إنسان وحيد، متشاف مريض من الناس وقالوا عقله سف
كيمو الديب

[المقطع الأول: كيمو الديب وعصام صاصا]
تفكير خلاني أميل في نهار وليل
بتمنى أموت، أنا رافض إني أعيش كده
دنيا كارهاني ليه؟ وعملت إيه؟
علشان أعيش في عذاب وحزن وفرهدة

[اللازمة: كيمو الديب وعصام صاصا]
أنا ليه مدان؟ عايش مهان والدمع هان
هاتي كمان، قلي الأمان، ضيقي المكان
أنا مش بخير، بحزن كتير، قلبي إتكسر والدمع بان
نفس الهموم، نفس الضغوط، نفس الآلام
أنا تحت عيني سواد لإني مش بنام
عامل تمام وأنا مش تمام، لكن بقلل في الكلام

[المقطع الثاني: كيمو الديب وعصام صاصا]
محقوق والحق ليا، آه مش عليا
أنا ليا حق بجد هاخده من الحياة
حقي أعيش يومين ما أبقاش حزين
أو أنام وأقوم وألاقي حزني أنا إختفى

[اللازمة: كيمو الديب وعصام صاصا]
أوضة والسرير، دخان كتير ومهدئات
ما أعرفش يوم، ما أعرفش ساعة ومنبهات
إنسان وحيد، ساكن بعيد علشان كاره العلاقات
الأوضة كحل مضلمة، ما تشوفش كف
وعيوني حمرا متفيمة والوزن خف
ما هو مش سعيد، متشاف مريض من الناس وقالوا عقله سف

[المقطع الثالث: كيمو الديب وعصام صاصا]
قلبي كان إختياره سبب إنهياره
حبك وشافك واحدة غيرهم كلهم
وإنتي زودتي ناره، زادت مراره
ما كنتيش شبههم، طلعتي أوطى منهم

[اللازمة: كيمو الديب وعصام صاصا]
كان كل مرة بنمشي نهايتها الرجوع
بعد المشاكل والبعاد، بعد الدموع
المرة دي أنا هعمل إيه؟ مش هبكي على ضي الشموع
هي الحياة ناس تيجي ناس غيرهم يروحوا
بعد الفراق ولا حد طلعت يعني روحه
أنا مش هموت، أيام تفوت وهنسى حبك أنا وجروحه