Na vota ancora

[Strofa 1]
Te chiedo scusa si nun songo comme me vulive
Hê fatto ‘o massimo pe’ me, ma è colpa d’’o destino
Mammà je aggià fuì, nun pozzo restà fermo
‘Sti fantasmi danno ‘ncuollo e st'esistenza addeventa l'inferno
Nun songo ‘o figlio che forse t'aspettavi
Colpa d’’e brutte amicizie, so’ jiuto pe’ brutti strade
Alla fine so' turnato, ogni peccatore
Po’ se pente ‘e tutt’’e sbaglie e torna sempe a cercà ammore
Abbracceme comme ‘na vota, stringeme forte
Sto c’’a paura ‘e restà sulo e nun piglio cchiù suonno ‘a notte
E t'arricuorde doppo ‘e colloqui a scola ‘e cucchiarelle ‘a ‘ret’’e rine?
Si ce penzo ‘e sento ancora
L'educazione che m’hê dato je ce ‘a dongo a nu figlio
M’hê tramendato ‘sti valori e a rispettà ‘a famiglia
Mo ca ce penzo nun t'aggia mai mise dint’’e canzoni
‘O ssaje che te vojo bbene, abbracceme ‘na vota ancora

[Ritornello]
Mammà tu si’ ‘a cchiù bella d’’e regine
E simmo furtunate si’ ‘int’’a casa ce staje tu
Staje scetata ancora si nu m'arritiro
E quanno stongo fore me manche sempe ‘e cchiù
‘O saje te vojo bbene, abbracceme ‘na vota ancora
(‘Na vota ancora)
‘O saje te vojo bbene, abbracceme ‘na vota ancora
(‘Na vota ancora)

[Bridge]
Nascimmo d’’a ‘na femmena
Crescimmo cu’ ‘na femmena
E amm’’a purtà cchiù rispetto a tutt’’e femmene
Nascimmo d’’a ‘na femmena
Crescimmo cu’ ‘na femmena
E amm’’a purtà cchiù rispetto a tutt’’e femmene

[Strofa 2]
Mammà je te saluto, è l'ora ca mo parto
Scusa se so’ fuijuto, ma ‘a gioia mia è distante
Nu biglietto dint’’e mmane me porta luntano
Guard’’o riflesso dint’’o specchio, ‘o sorriso è vacante
Salutame a papà dille che ‘o vojo bbene
Ca stesse tranquillo, nn’’o vojo vedè in penziero, so’ ‘nfami ‘sti sere
Live e stanze d'albergo
‘Sta gente nun me vo' bbene, ma je nun so' nato pe’ perdere e ‘o ssaje
So’ vittima ‘e nu talento, vittima ‘e tutt’’a merda ca me dà ‘ncuollo
E spisse ‘a vote me po’ sentì
Je nun ce torno d’’a sconfitta
Quando torno vojo stringere forte chi dint’’o core m’ha tenuto stritto
‘Na cartulina m'arricorda ‘e comme steve
Felice dint’’a miseria, comme ‘e film ‘e Mario Merola
Nascimmo d’’a ‘na femmena
Crescimmo cu’ ‘na femmena
E amm’’a purtà cchiù rispetto a tutt’’e femmene

[Ritornello]
Mammà tu si’ ‘a cchiù bella d’’e regine
E simmo furtunate si’ ‘int’’a casa ce staje tu
Staje scetata ancora si nu m'arritiro
E quanno stongo fore me manche sempe ‘e cchiù
‘O saje te vojo bbene, abbracceme ‘na vota ancora
(‘Na vota ancora)
‘O saje te vojo bbene, abbracceme ‘na vota ancora
(‘Na vota ancora)