Msh Kitir - مش كتير

[المقطع الأول]
مش كتير، إللي إنت شايفه مش كتير
عمري كله يهون وأشوف قلبك بخير
تبقى أول حد عندي وتبقى برضه إنت الأخير
مش كتير
من زمان، قبل أما أقابلك من زمان
وإنت جوة في قلبي متشالك مكان
مش ضروري أحكي إللي شايله في قلبي
ما إللي في قلبي بان من زمان

[اللازمة]
لو هسيبلك روحي تفضل بين إيديك
إمتى كان في الدنيا حاجة كتير عليك؟
لو في نجمة بعيدة وإنت عايزني أجيبهالك هطير
مش كتير
لو هعيش أكتر من إللي إتعاش سنين
مش هقابل زي قلبك مرتين
يبقى لما الناس دي تبقى في كفة
وإنت في كفة غير
مش كتير

[المقطع الثاني]
بإختصار، لما إتقابلنا بإختصار
إتكتب لليل في قلبي يشوف نهار
فلما أقول الفرق بين قلبك وبين الناس كبير
مش كتير، مش كتير

[اللازمة]
لو هسيبلك روحي تفضل بين إيديك
إمتى كان في الدنيا حاجة كتير عليك؟
لو في نجمة بعيدة وإنت عايزني أجيبهالك هطير
مش كتير
لو هعيش أكتر من إللي إتعاش سنين
مش هقابل زي قلبك مرتين
يبقى لما الناس دي تبقى في كفة
وإنت في كفة غير
مش كتير، مش كتير