Mostahel Ansaki - مستحيل أنساكي

[اللازمة]
مستحيل انساكي
وأنا فيه جوايا ثورة
دي غاوية تسيب أثرها
مقتول بكذا صدمة
كنتي زي الباقي
اللي فاضل فيا اتدمر
ردك كان اهو قدرنا
كنت نورك وسط الضلمة

[المقطع الأول]
حطاني في متاهة
سحلة زي النداهة
كنت كتير بستناها
بس الزمن قساها
متركزيش مع حياتي
ياريت تشوفي حد تاني
ياريت نلاقي حل نهائي
ياريت، نلاقي حل نهائي
فكرت كتير قبل أما الموج يوديني
في سكة اللي بيروح ومش بييجي
الحب بالنسبالك دا شئ تقليدي
وعادي بردوا اللوم عليا تجيبي
مسمعتش منك بس غير كلمة نصيبي
مكنتش ملاك بس أنا عارف عيبي
مسمعتش منك كلمة حتى تواسيني
واللي بشتكيله هو اللي بيأذيني

[اللازمة]
مستحيل انساكي
وأنا فيه جوايا ثورة
دي غاوية تسيب أثرها
مقتول بكذا صدمة
كنتي زي الباقي
اللي فاضل فيا اتدمر
ردك كان اهو قدرنا
كنت نورك وسط الضلمة

[المقطع الثاني]
بكلم نفسي زي كل ليل وأنا تايه
باصص في السما مش شايف
القمر اختفي مش باين
في الحقيقة أنا مش فايق
في الحقيقة أنا مخسرتكيش
خسرت قلبي وضحيت بيه
مشكلتي عقلي مصحنيش
كل طرف من ناحيته برئ
الحب مش بسهولة ياناس
كام واحد فينا من لا شيء اتساب
خطة وملعوبة بذكاء
طبيعي لما اسمع سيرة الحب إني أخاف
هي شافت البديل
وإنت عايش على ماضيك
عشمي منصفنيش
خرجني من المولد علي مفيش

[خاتمة]
سابونا متدمرين
خلوك إنسان مريض
دايماً متسربعين
ع الحب واحنا كدابين
من الأول غلطانين
الحظ محبنيش
اللي كنت بتشتريه
في نفس الوقت فيك بيبيع