Mosh Safilak - مش صافيلك

[المقطع الأول]
مش صافيلك
وما أفتكرش هيبقى عندي شيء لغيرك
والله يسامح قلبي لو عشمان في خيرك
هو إنت إيه الجبروت ده بس؟ وفين ضميرك؟
إزاي رضيت تنسى اللي كان؟
ظالم، أناني
من كل قلبي أتمنى تبقى في يوم مكاني
هتلف بيك الدنيا وهترجعلي تاني
هتلاقي خلاص مات الغلبان بتاع زمان

[اللازمة]
إيه الجديد؟ وهتفرق إيه؟ ما بقتش فارقة
مش هعيد أفلام معاك نهايتها فرقة
لأ، خلاص، ما فيهاش عتاب، ما فيهاش كلام
كرهي فيك مش من فراغ، لأ، من آذاك
تسمع إيه؟ من إمتى كان يفرق معاك؟
إمشي وسلام

[المقطع الثاني]
مش هدافع
عن نفسي لو قلت إني ظالمك، ليه أراجع؟
أيام كانت وياك بتحلف بالمواجع
قول عادي كل اللي إنت عايزه، مش همانع
لو جاي تقلب في اللي فات
أنا قلبي راضي
وهيتبسط لو شاف دموعك يوم قصادي
صدقني ممكن يبقى رد الفعل عادي
وهقول ده كانت ذكريات وهواك ده مات

[اللازمة]
إيه الجديد؟ وهتفرق إيه؟ ما بقتش فارقة
مش هعيد أفلام معاك نهايتها فرقة
لأ، خلاص، ما فيهاش عتاب، ما فيهاش كلام
كرهي فيك مش من فراغ، لأ، من آذاك
تسمع إيه؟ من إمتى كان يفرق معاك؟
إمشي وسلام

[الخاتمة]
مش صافيلك