Mohamed Salah | محمد صلاح

[اللازمة]
كل واحد بيسمعني
أنا جاي أقول حكايتي
نصيحة وتخدوها مني
إياك تسيب حلمك وتمشي

[المقطع الأول]
محمد صلاح ده إسمي
بقولو للي مش عارفني
تلاتين سنة يبقى سني
واللي سماني أوكا أمي
وأول ما إبتديت قولت أغني راب
كنت بغني جوا البيت أو مع الإصحاب
وإشتغلت كذا شغلانة علشان بس أجيب فلوس
والحالة كانت تعبانة ومكنتش خالص محظوظ
كنت طول اليوم أفضل الف على شركات إنتاج
أو حد يسمعني يقولي جامد يلا إحنا معاك
كان كل طموحي إن يبقي معايا بس جهاز
وأسجل عليه الأغاني بتاعتي دي وخلاص
وناس كتير إتريقت عليا في بداية المشوار
وكانوا في الرايحة والجاية يقولو الفنان جه وراح
آه الواحد تعب
عمال يحفر في الصخر وعمره ما لعب
قطر الحظ يشوفوا ولا مره ركب
من كتر اللي هو عاشه ها يكتئب

[اللازمة]
كل واحد بيسمعني
أنا جاي أقول حكايتي
نصيحة وتخدوها مني
إياك تسيب حلمك وتمشي

[المقطع الثاني]
والصدفة هنا قابلتني
ناس كانوا من منطقتي
جولي وطلبوا مني
أعمل مهرجان وأغني
من هنا ربنا أذن لي
من وسط الناس نجحني
ولقيت كله بيسمعني
وعرفت أوصل فني
كلمه لكل اللي بيبدأو
إوعاكو أبدأ يوم تيأسوا
كله يثبت على مبدأو
في الآخر إنتوا هتنجحوا
مهما توقف قوم وكمل
حلمك لازم ليه تستحمل
سيبك من أي ظروف
هتبقي أحسن من الأول

[اللازمة]
كل واحد بيسمعني
أنا جاي أقول حكايتي
نصيحة وتخدوها مني
إياك تسيب حلمك وتمشي