Meshyet - مشيت

اسمي اوكسايد بس انا مليش في الكيميا
هربت من الانجينير عشان اطير من الفيزيا
شغل التضاد ده بجد مبياكلش معايا
بس انا حبيت انصحك لاحسن كل يوم الاقي حكاية
الرواية بتاعتي ملهاش نهاية
افضل احكيلك ممكن تاخد الف ليلة ويايا
في مراية، ابص وابحلق لنفسي افتكر دي بداية
لموضوع يتطور كل يوم نسبيا بستيباية

كام مرة اتكلمنا فيها، عن الحوار ده
انه فعلا مصيبة، وانتي مش واخداها جد
بتصدي كلامي كل مرة، نفس نظام السد
كل اللي بنخطط ليه لقيته فجأة في ثانية اتهد
طبقك المفضل هو غموض في الكلام
مع سلطة الحديث المبهم، بتعمل فجوة في الشاشات
كام مرة اعتذار؟
وبترجع برضو في الكلام
زي كأني مقولتش حاجة، بتخون معايا الاتفاق
بسهر كل ليلة بسأل نفسي هل هتكلمني؟
ولا مش فاضية كالعادة، وجوا اوضتها بتبكي
على حاجة مش موجودة، فين الماصورة
تدب دماغك بيها تنسى اللي قالتهولك
فا انا استبردت في المعاملة
مش حابب ازاملك بس لا حابة افضل جنبك
بتحاول تعمل معادلة، مش كل حاجة سهلة
زي ما انتي فاكرة، الشدة بتاعتك ليا كانت فاجرة

لوكا، مودريتش
مشيت، مدريتش
حاليا بس في دماغي اني اكون ريتش
لوكا، مودريتش
مشيت، مدريتش
فيها حاجة شداني بس دلوقتي مبتفرقش