Mesagel Kol Elly Zalamny - مسجل كل اللي ظلمني

[المقدمة: حودة بودة وإسلام كابونجا]
عنبر يجمع كل العنابر
أنا اللي على الظلم صابر
ضربتكو دي مش موتتني
الضربة رجعتني أشرس
كترت الوشوش في زمان لسه لحد الوقتي ما أعرفوش
بس عادي، أنا هتعارك مع أي حد وهعور أي حد يحوش
هشش، عشان فيجو الدخلاوي يخش
فيجو الدخلاوي

[اللازمة: إسلام كابونجا]
عقرب في عالم العناكب
سندال بين مية مليون محارب
متخطر في التسع كواكب
جسمي متمطر خراطيش
أكشنجي والدكن بتاعي
هخبطكو لو رابط دراعي
أنا واعي من الأفاعي
أنا بطولي أروح في جيش

[المقطع الأول: حودة بودة]
نتشت وش خصمي فرقع
ألف حلال عليا، إخلع
ما كلتش منك يا مدلع
كسرت نفسك، لم نفسك
يا إبني أنا بعمل، مش بفكر
إجري إشتكيني، إعملي محضر
برة وجوة أنا مسيطر
وكل ما أشوفك هطصك

[اللازمة: إسلام كابونجا]
سنيت ع الحيطة معلقة
علقت في أوضتي مشنقة
مجنون، ضرباتي مطرقة
مسجون ملعون يا منطقة
أنا عقبية من الحدث
لومانجي، فكي مفترس
تعمل فيها مسجون سوس
همشيها إنتهاز فرص

[المقطع الثاني: حودة بودة]
يا نتن كارف على منضف
يا بق بس نفسي تصرف
إنت تمامك مني شبشب
إخلع لا تزعل على نفسك
هديك جرار نلعبوا جولة
واللي يخبط التاني أولى
أنا ع الأوضة دي هستولى
بنص موس قطعت جسمك

[اللازمة: إسلام كابونجا]
خالد توتا يعني الأسطورة
أخصامه نفسهم مكسورة
بحري دولة وسلطة أولى
الحارة عاصمة جهنم
حمو أفا سندال مغامر
وباسم زربة أخطر مقاتل
حارة اليهود منبع مخاطر
لا بنخاف ولا بنستسلم

[المقطع الثالث: حودة بودة]
محارب جاهز للقتال
أخصامي دمهم حلال
بروح بصدري في الأبطال
ما بخافش أنا من الزيج زاور
أنا المدفعجي، أنا الرشاش
نشنجي وبسقط بالكوبش
لومانجي وفي زعلي وحش
شارب ريد بل، عندي باور

[اللازمة: إسلام كابونجا]
فاقد، مش باقي على حاجة
إرميني أباشا في التلاجة
شهر، شهرين، كمان تلاتة
سامحني لو أمسك أسفلت
الميري ميري مع زميلي
صاحبي دراعي وعمي جيبي
يا دنيا مش عارف حبيبي
ومش عارف عدوي بجد

[المقطع الرابع: حودة بودة]
حطوني في زنزانة إنفرادي
إلغوا إستئنافي وتجديداتي
لو هتعلقني يا باشا عادي
يا قاضي بأي حاجة راضي
عنبر يجمع كل العنابر
أنا اللي على الظلم صابر
أنا مسجون، لكني شاعر
كاتب على الحيطان حكايتي

[اللازمة: إسلام كابونجا]
مسجل كل اللي ظلمني
مش ناسي أي حد باعني
ضربتكو دي مش موتتني
الضربة رجعتني أشرس
هتشوفي وشي العقباوي
إتمسجنوا عليا أوي
أنا طالع من السجن ناوي
هنفذ معاكم وأخلص

[المقطع الخامس: حودة بودة]
غاروا مني عشان جدع
اللي مني في رزقي طمع
نفسهم يا دنيا إني أقع
عايزين معاملة مساجين
كرفتكو طلعت جبنة نستون
جيتوا على السكة لبستوا
خصمي لما جعجع خرسته
خبطته جرار بروحين

[اللازمة: إسلام كابونجا]
بتجبروني ليه أتجبرت؟
ساحب قدامكو وببوط
دمكو على سلاحي نقط
بعارككو وأنا مش مشرط
هفجر المكان بحاله
أنا ساحب، يلا تعالوا
مش كل واحد قلبه شاله
يعرف يتعارك أو يتنطط

[المقطع السادس: حودة بودة]
تعبان ولف على حبيبتي
غدر بيا وأنا في ضيقتي
بنت الأصول صانت في غيبتي
إبن الحرام ده مش تمام
طلعت من الحبسة خبطته
لعبته جولة على أرضه
عرفته قيمته جوة جيهته
حكم على نفسه بإعدام

[الخاتمة: إسلام كابونجا]
خالد توتا هو المحارب
الحطة ورطة، الله غالب
وحمو أفا عياره صايب
بيتكلم بالخراطيش
باسم زربة سلاحه حاضر
وقت الخصومة بيبقى فاجر
باسم جناية في المشاكل
خصمته يبقى مش هتعيش
ما تجيش في سكة فادي القرعة
هيكسر عضم وشك، إوعى
يلعب مع أي حد جولة
عريك، بيصد الخراطيش
فادي القرعة ما حدش قده
فارس القرعة فارس جيهته
فادي وفارس أبطال بيودوا
خصمت معاهم مش هتعيش
فارس السباعي ده الفولاذ
بسكينته يصد الرصاص
وحودة الليبي ده القناص
بيصطاد الأخصام بطلقة
يا رب فك ضيقته بكرة
واحشنا بجد إسلام كفتة
غيابه طول عن الحتة
يا رب يرجع بالسلامة
الباشا بوكا أبو الزنجاح
من يوم ما غاب إحنا في جراح
بكرة هتعوض اللي راح
وإنت وسطنا يا زعامة
شارع المرور ده سلطة أولى
وأحمد بيبا هو أخونا
كريم أبو دومة الرجولة
بيمسي على المستشار
المينا الكني إسمه تقيل
عشانه رقابي كتير تطير
على قديمه، إسمه تقيل
وعنده كتير من الأبطال
حودة بودة فنان الغلابة
إسلام كابونجا ده الدبابة
ديشا المصري كتب الكلام
فيجو الدخلاوي أسد الغابة
علاء كابو توزيعه أصلي
خلى الدرامز أناس رقصني
وليد لمبادا أعلى إدارة
إحنا رقم واحد تملي