Men Kan Ya Makan - من كان يا مكان

[المقدمة]
من كان يا مكان مسرحنا زمان
صندوق مليان بكنوز ورموز وده مش تهويل
أسماء علامات صنعوا الحكايات
وسابولنا تاريخ بُكى ضحك صريخ
كده جيل ورا جيل

[المقطع الأول]
يعقوب صنوع والقباني
جورج فاتحلك باب يا ريحاني
كان كش كش بيه يرمي الإيفيه
جمهوره يقوله إرميه تاني
يا عزيز ولا يوم من أيامك
يوسف بيه مسرحه قدامك
كانوا صالة ولوج يسمعوا مونولوج
يخرجوا حافظين كل كلامك
يا علي يا كسّار في المداري
بتلاته جنيه ماضي وشاري
يا بديع سلم ع الإبياري
وإرميلنا على سُمعة سلامك

[المقطع الثاني]
ويمر زمان يجي بعده زمان
والمسرح يفضل بيت مليان دايمًا سكان
زكي يا طليمات عندنا نجمات
خفة إسعاد رقة شويكار طلة شريهان (طلة شريهان)
يا فؤاد هات مدبولي وقوله
عادل إمام الجيل كله
وسمير لو مية ساعة لوحده
عُمر الناس منه ما هيملوا
أردش وكرم عاشوا معانا
ومحمد صبحي ده جوانا
ونجم وراضي بقفشاتهم
يا ست سميحة يا وحشانا
(آه يا ست سميحة يا وحشانا)
يا سهير نادي البت سكينة
يا بدير عبد العال أثر فينا
يا سعيد قول للست أمينة
رزق المسرح ناس فكرانا

[الخاتمة]
وهيفضل مسرحنا بخيره
دايمًا ليه دوره وتأثيره
ده المسرح زي الهوا والروح
عمرنا ما نعيش يوم من غيره