Meen Dool - مين دول

[المقدمة: سادات العالمي وفيفتي الأسطورة]
DJ Felestini Remix
السيدات والسادة (قولوا)
أنتم الآن مع ملوك السعادة

‫‫[المقطع الأول: فيفتي الأسطورة وسادات العالمي]
ياه، من داخل السلام برمي السلام
خش نام عشان تصحى للكلام
تحية خاصة بإسم العيال الناقصة
ما جابتش ربع كيلو رجولة ع الميزان
‫‫إيه إللي دار ده؟ إيه الهزار ده؟
مش كلام ده، مش نظام ده
قولّي مين دول؟ طلعوا إمتى دول؟
‫‫دول ودول ودول، طب هاتلي كل دول
يا كابتن، صياحك طرب
سوقك إنضرب، ما علَكش طلب
إنتَ مين ومين هنا يعرفك؟
سكَلّي مع مرتبة الشرف
ملزقين، بقيتوا مشبِّك
لما جيت لمّيتوا بلاستيك
‫‫‫‫سوادكو فاح، يرُص معسِّل
يا طلق فاضي، جالكو المتعدد
‫‫ماسك الخرزانة في إيدي
درس للتلاميذ تمهيدي
حفلة إستقبال على كيفي
وإللي جاي صعب، مش تقليدي

‫‫[اللازمة: فيفتي الأسطورة وسادات العالمي]
‫‫ملوك السعادة، السعادة
‫‫إحنا ملوك، مالناش إعادة، ما فيش إعادة
‫‫أيوة ملوك، خد الإفادة، دي الإفادة
‫‫الحفلة عليك، النهاردة عيد ميلادك

[جسر: فيفتي الأسطورة]
غيابي لا يعني إنسحابي
أنا رجعت ليكو أضلِّمها من تاني
رضعتوا الوكسة من كولدير
فما حدش فيكم هياخد مكاني

‫‫[المقطع الثاني: فيفتي الأسطورة وسادات العالمي]
‫‫نص Cute ونص Uzi
‫‫لما إتعوروا نزفوا Smoothie
مسدسات مايّة خصوصي
‫‫أصل الرجالة في خناقة Juicy
‫‫خلّيك Fair وإعترف إني غير
هي مش على كيفك
‫‫إنتَ في الشغلانة ضيف، ضيف تقيل يا قلبي
‫‫شوفولكو واسطة عشان تشوفوني
‫‫أنا مش هروح، إنتو إللي تجوني
‫‫لسه مزعج رغم هدوئي
‫‫هلفِّفكو التنّورة في المولد
في المولد، في المولد
هلفِّفكو التنّورة في المولد
أنا وفيفتي الأسطورة في المولد
‫‫حازم إكس، فلسطيني في المواد
سادات العالمي دخل فضّى المولد

‫‫[اللازمة: فيفتي الأسطورة وسادات العالمي]
‫‫ملوك السعادة، السعادة
‫‫إحنا ملوك، مالناش إعادة، ما فيش إعادة
‫‫أيوة ملوك، خد الإفادة، دي الإفادة
‫‫الحفلة عليك، النهاردة عيد ميلادك

[الخاتمة: فيفتي الأسطورة]
*ضحك*
إظبُط الكلام