Markeb Awga3y (Bet2ouly 3alaya Henayen) - مركب اوجاعي (بتقولي عليا حنين)

[المقدمة: عصام صاصا وكيمو الديب]
كنت في بالي
ولا مرة وأنا بعيد عنك شيلتك من بالي
وأنا نفسي أحكيلك أخويا بعدك إيه جرالي
بعدنا عن بعض ده هو الموت بالنسبالي
كيمو الديب

[المقطع الأول: عصام صاصا وكيمو الديب]
مش عايز أفتكر الماضي لإن الماضي كئيب
أحداثه سودة منيلة، ما فيهوش وقت وترتيب
اللي مصبرني شوية إن الحزن نصيب
بس أنا نصيبي ما خدتش منه غير الأحزان
ما آخدتش من دنيتي غير ذل وغير حرمان
وعيوني بتلمع ودموعي بتنزل فيضان

[اللازمة: عصام صاصا وكيمو الديب]
مركب أوجاع
والبحر غريق والمركب ما فيهوش حتى شراع
مستني اللحظة اللي هموت فيها وأنزل في القاع
مليون دوامة، هنغرق في جميع الأوضاع
والرؤية ظلام
مش رؤية عيني، دي رؤيتي لحياتي والأيام
أنا قصة عمري دراما أكتر من الأفلام
وآخرها لا يمكن أفرح أنا فرحة همام

[المقطع الثاني: عصام صاصا وكيمو الديب]
مدمن أنواع وبخلط كله في كله وأشد
أنا عارف إني لخط نهايتي يا ناس بتشد
بس أنا شايف قدامي بيبان ياما بتتسد
فحبست مشاعري، رميتها خلاص، ما بقتش بحس
دمعة عيني بسكتها، بتنزل أقولها بس
لما أنا بحتاج أتكلم أروح لمرايتي وأبص

[اللازمة: عصام صاصا وكيمو الديب]
أو أروح للكيف
اللي مخليني ما أحسش إن أنا حد ضعيف
وبقت مش فارقة معايا أنا وحش ولا نضيف
بيتلج جسمي وبلبس شتوي في عز الصيف
هو الإدمان
أنا عارف إنه طريق بالشر يا ناس مليان
طب ما أنا كنت فايق، لكن دايمًا أنا زعلان
فلقيت حاجة أهرب بيها من الهم ومن الأحزان

[المقطع الثالث: عصام صاصا وكيمو الديب]
بتقولي عليا حنين، متأكدة من حبي
وما حدش غيرك أصلًا سبب وجع قلبي
والله ما كنتش عايز حاجة، أنا عايزك جنبي
بس أنا غلطان علشان بينت إن أنا مهتم
فبقيت بديكي الحب قصاده تديني السم
أنا في ناس ياما حبتني وأنا اللي إخترت الهم

[اللازمة: عصام صاصا وكيمو الديب]
وحاولت كتير
إني أغيرك، لكن ما نفعش التغيير
ما هو برضه إزاي أنا أبدل شر وأخليه خير؟
مش شايفة إنك غلطانة وشايفة إن أنا شرير
وما حبتنيش
شفتيني ضعيف مش قادر بعد فراقك أعيش
ترجعي وقت ما ترجعي وتسيبي وما تقوليليش
وجع القلب ده مش ساهل وإنتي ما بتحسيش
كنت في بالي
ولا مرة وأنا بعيد عنك شيلتك من بالي
وأنا نفسي أحكيلك أخويا بعدك إيه جرالي
بعدنا عن بعض ده هو الموت بالنسبالي
كنت ما بهداش
والله حياتي من غيرك أصلًا ولا تتعاش
وإنت يا عم الدنيا في غيبتك دنيا ما تسواش
إنت أجدع أخ عرفته في زمن إسمه الأوباش